پاکستانی کرکٹ ٹیم کے سابق کھلاڑیوں کا آج کل ان کے متنازع بیانات کی وجہ سے خوب چرچا ہورہا ہے۔ وہ وقتاً فوقتاً کوئی نہ کوئی ایسی بات کر دیتے ہیں جو خبروں کی زینت بن جاتی ہے اور ان بیانات کی وجہ سے پاکستان کو بین الاقوامی طور پر سبکی اٹھانا پڑتی ہے۔
گزشتہ روز پاکستان کے سابق کرکٹر عبد الرزاق کو ایک متنازع بیان کی وجہ سے تنقید کا نشانہ بنایا جاتا رہا ہے جس پر اب انہوں نے بھارتی اداکارہ ایشوریہ رائے سے معافی مانگ لی۔ ان کے خلاف طوفان ابھی تھما نہیں تھا کہ قومی ٹیم کے سابق کپتان انضمام الحق نے بھارتی کرکٹر ہربھجن سنگھ سے متعلق ایک بیان دے دیا جس پر بھارتی کرکٹر نے انضمام الحق کے بیان کو جھٹلا دیا اور ان کے خلاف سخت جملوں کا تبادلہ کیا۔
انضمام الحق نے اپنے ایک بیان میں کہا کہ بھارت کے ساتھ ایک سیریز کے دوران مولانا طارق جمیل جب ہمیں نماز پڑھاتے تھے تو ہم بھارتی مسلمان کھلاڑیوں کو بھی نماز پڑھنے کی دعوت دیتے تھے جن میں عرفان پٹھان اور ظہیر خان شامل تھے۔ اس دوران بعض دیگر بھارتی کھلاڑی بھی آجایا کرتے تھے۔
ان کا مزید کہنا تھا کہ ایک دن ہربھجن سنگھ نے مولانا طارق جمیل کی طرف دیکھتے ہوئے کہا کہ ان کو سن کر دل کرتا ہے کہ ان کی بات مان جاؤں لیکن جب میں تم لوگوں کی زندگی کو دیکھتا ہوں تو اپنا ارادہ تبدیل کردیتا ہوں۔
Inzamam ul Haq revealed how Harbhajan Singh was close to converting to Islam after meeting Maulana Tariq Jameel, who used to come over and read Namaz with the Pakistan Cricket Team. https://t.co/EfuLLH68Fu pic.twitter.com/eQAXvrP7cI
— Sensei Kraken Zero (@YearOfTheKraken) November 14, 2023
قومی ٹیم کے سابق چیف سلیکٹر اور کپتان انضمام الحق کے اس بیان پر ہربھجن سنگھ نے سخت ردعمل دیتے ہوئے کہا کہ مجھے فخر ہے کہ میں بھارتی ہوں اور سکھ ہوں یہ کون سا نشہ کر کے بات کرتے ہیں یہ لوگ کچھ بھی بول دیتے ہیں۔
Yeh kon sa nasha pee kar baat kar raha hai ? I am a proud Indian and proud Sikh..yeh Bakwaas log kuch bi bakte hai 😡😡😡🤬🤬 https://t.co/eo6LN5SmWk
— Harbhajan Turbanator (@harbhajan_singh) November 14, 2023
اس کے علاوہ انضمام الحق کا ایک اور بیان سوشل میڈیا پر وائرل ہو رہا ہے جس میں وہ کھلاڑیوں کی کرکٹ کے ساتھ ساتھ دعوت و تبلیغ کے حوالے سے بھی گفتگو کر رہے ہیں، ان کا کہنا تھا کہ کراچی میں ویسٹ انڈیز کے خلاف ٹیسٹ میچ کے دوران مھإد یوسف نے برائن لارا کو کھانے پر مدعو کیا اور پروگرام بنایا کہ اسے دین کی دعوت دیں گے۔
انضمام الحق کا مزید کہنا تھا کہ ہمارے کراچی کے بزرگ نے برائن لارا کو دین کی دعوت دی اور بتایا کہ ہم کس طرح اللہ کی عبادت کرتے ہیں اور رسول ﷺ کے طریقے پر زندگی گزارتے ہیں، کس طرح ہم ماں باپ کی خدمت کرتے ہیں، پڑوسیوں کا خیال رکھتے ہیں اور کاروبار کرتے ہیں۔
انضمام الحق نے کہا کہ برائن لارا یہ سن کر متاثر ہوئے اور انہوں نے کہا کہ واقعی زندگی اسی طرح گزارنی چاہیے۔
Inzamam Ul Haq further says @yousaf1788 invited @BrianLara to accept Islam during a Test match in Karachi. He reveals Lara became silent and then said 'life should be spent the way Muslims spend' 👀 #CWC23 pic.twitter.com/BWS0cjZKnD
— Farid Khan (@_FaridKhan) November 14, 2023
اس سے قبل سابق پاکستانی کرکٹر حسن رضا نے ورلڈ کپ میں بھارت کو مختلف اور مشکوک گیندیں دینے کا الزام بھی لگایا تھا جس پر بھارتی باؤلر محمد شامی نے سخت رد عمل دیا تھا۔
حسن رضا نے کہا تھا کہ ہم دیکھ رہے ہیں کہ جب بھارتی ٹیم بلے بازی کرتی ہے تو وہ واقعی اچھی بلے بازی کرتے ہیں اور جب بھارتی ٹیم بولنگ کرتی ہے تب گیند مختلف ہو جاتی ہے اور DRS بھی ان کے حق میں جاتا ہے۔
حسن رضا کا کہنا تھا کہ سراج اور شامی جس طرح گیند کو سوئنگ کر رہے تھے اس سے ایسا لگ رہا تھا کہ آئی سی سی یا بی سی سی آئی والے انہیں دوسری اننگز میں مختلف اور مشکوک گیندیں دے رہے ہیں، انہوں نے کہا کہ گیند کا معائنہ کرنے کی ضرورت ہے، سوئنگ کے لیے گیند پر کوٹنگ کی ایک اضافی تہہ بھی ہو سکتی ہے۔
بھارتی بولر محمد شامی نے حسن رضا کے بیان کی ویڈیو انسٹاگرام کی اسٹوری پر شیئر کی اور لکھا ‘شرم کرو، کھیل پر فوکس، کبھی تو دوسروں کی کامیابی کو انجوائے کیا کرو، یہ آئی سی سی ٹورنامنٹ ہے، آپ کا لوکل ٹورنامنٹ نہیں، آپ کھلاڑی ہی تھے نا؟
بھارتی بولر نے مزید کہا کہ وسیم اکرم نے سمجھایا ہے، پھر بھی آپ کو اپنے کھلاڑی وسیم اکرم پر یقین نہیں ہے؟ آپ تو اپنی ہی تعریف کرنے میں لگے ہوئے ہیں۔
واضح رہے کہ 2009 کی ٹی 20 ورلڈ کپ کی فاتح ٹیم کے اراکین نے ایک تقریب میں شرکت کی۔ اس دوران سابق کرکٹرز نے حالیہ آئی سی سی ورلڈ کپ میں پاکستان کی کارکردگی پر بھی اپنے جذبات کا اظہار کیا۔ جس میں عبدالرزاق نے مثال پیش کرتے ہوئے کہا کہ ’’اگر ہماری سوچ یہ ہے کہ ایشوریا رائے سے شادی کرکے اور اُس سے نیک پرہیزگار بچہ ہو تو یہ کبھی نہیں ہوسکتا‘‘۔
https://Twitter.com/SharyOfficial/status/1724065501712707996?s=20
عبدالرزاق کو اس بیان کے بعد شدید تنقید کا نشانہ بنایا گیا جس کے بعد انہوں نے بھارتی اداکارہ سے ویڈیو بیان کے ذریعے معافی مانگی۔
ان کا کہنا تھا کہ پریس کانفرنس میں کوچنگ اور کرکٹ کی بات ہورہی تھی، اس دوران زبان پھسل گئی، اور میں اس بات پر معافی مانگتا ہوں
Former Pakistan cricketer Abdul Razzaq has now apologised to Aishwarya Rai for his comments last night. Aik yeh slip of tongue pata nahin kese aajata hay, khair dair aye durust aye 💯💯 #CWC23 #AbdulRazzaq #AishwaryaRai pic.twitter.com/gzAdlotWXK
— Farid Khan (@_FaridKhan) November 14, 2023
