مایا علی کا شمار پاکستان ڈراما انڈسٹری کی خوبرو اور ٹیلنٹڈ اداکاراؤں میں ہوتا ہے۔ مایا نے بہت سے ہٹ ڈراموں میں کام کیا ہے، خاص طور پر ڈراما ’یونہی‘ میں ان کی اداکاری کو ناظرین نے بہت پسند کیا۔
حال ہی میں ایک ملبوسات اور اسیسریز کے ڈیزائنر برانڈ نے سوشل میڈیا پر اپنی ایک پروموشنل ویڈیو جاری کی جس میں مایا علی اور حمزہ علی عباسی کے درمیان رومانوی گفتگو دکھائی گئی، اس ویڈیو کے سوشل میڈیا پر خوب چرچے ہوئے اور صارفین نے مایا علی کی بھی خوب تعریف کی۔
View this post on Instagram
آپ حیران ہوں گے کہ وہی مایا علی جنہیں چند دن پہلے سوشل میڈیا پر سراہا جارہا تھا، ایک دم سے سوشل میڈیا صارفین کی تنقید کی زد میں آگئی ہیں، لیکن اس کی بھی ایک وجہ ہے۔
View this post on Instagram
ہوا کچھ یوں کہ مایا علی نے گزشتہ روز اپنے انسٹاگرام پر اپنی ایک ویڈیو شیئر کی جس میں وہ آج کل کے مقبول ’جسٹ لکنگ لائک اے واؤ‘ ٹرینڈ کو اپنے انداز سے دوبارہ تخلیق کررہی تھیں۔ تاہم ان کی اس کوشش کو انٹرنیٹ صارفین کی بڑی تعداد نے تنقید کا نشانہ بنایا۔
مایا سے کیا غلطی ہوئی؟
گزشتہ ماہ کے آخر میں بالی ووڈ ایکٹرس دپیکا پڈوکون نے بھی ’جسٹ لکنگ لائک اے واؤ‘ ٹرینڈ پر اپنی ایک ویڈیو انسٹاگرام پر شیئر کی تھی۔ ان کے علاوہ دیگر معروف بالی ووڈ ایکٹرز نے بھی اس ٹرینڈ پر اپنے اپنے انداز سے ویڈیوز بنائیں جنہیں لوگوں نے خوب پسند کیا۔
View this post on Instagram
مایا علی سے غلطی یہ ہوئی کہ انہوں نے’جسٹ لکنگ لائک اے واؤ‘ ٹرینڈ پر دپیکا پڈوکون سے متاثر ہوکر ویڈیو بنائی۔ اس ویڈیو میں دیکھا جاسکتا ہے کہ مایا علی ہر زاویے سے دپیکا کو کاپی کرنے کی کوشش کررہی ہیں۔ مایا علی غالباً یہ سوچ رہی تھیں کہ کسی کو پتہ نہیں چلے گا مگر انہیں شاید معلوم نہیں کہ انٹرنیٹ صارفین کی چاروں طرف نظر ہوتی ہے، انہوں نے مایا علی کو نقل کرتے پکڑا اور ان کی پوسٹ کا پوسٹمارٹم کر ڈالا۔
ایک صارف نے کہا، ’ دپیکا پڈوکون کی کاپی کروا لو ان سے بس‘۔
ایک اور صارف نے کہا، ’دپیکا کی چپل‘۔
ایک صارف نے کہا، ’جسٹ لکنگ لائک اے بہو‘۔
ایک صارف نے تو حد ہی کردی اور کہا، ’سستی دپیکا فرام دراز‘۔
