اقبال ٹاؤن لاہور میں ڈکیتی کی نیت سے گھر میں گھسنے والے 6 ڈاکو پولیس مقابلے میں ہلاک ہو گئے ہیں۔
ترجمان پولیس کے مطابق گھر کی چھت پر موجود بچی نے ڈاکوؤں کے گھر داخل ہونے پر شور مچا دیا تھا۔ ڈاکوؤں کی گھر میں لوٹ مار کرنے کے اطلاع پر متعلقہ تھانہ سمیت سی آئی اے کی ٹیمیں موقع پر پہنچیں تو ڈاکوؤں کی پولیس پر فائرنگ کردی۔
مزید پڑھیں
پولیس کے مطابق 45 منٹ تک ڈاکوؤں اور پولیس پارٹی کے درمیان فائرنگ کا تبادلہ ہوا اور تمام ڈاکو مارے گئے۔ گھر کے تمام یرغمالیوں کو بحفاظت بازیاب کروا لیا گیا ہے۔
ایس پی اقبال ٹاؤن ارتضی کمیل نے پولیس کی بھاری نفری کے ہمراہ پولیس آپریشن کو لیڈ کیا۔ ہلاک ڈاکوؤں کی شناخت عمل میں لائی جا رہی ہے۔ ایس پی اقبال ٹاؤن ارتضی کمیل، ایس ایچ او گلشن اقبال سید قمر سمیت پولیس کی بھاری نفری موقع پر موجود ہے۔
