صوبہ پنجاب کے علاقے جھنگ میں سابق چیئرمین یونین کونسل مہر افضل بھروانہ کو سرعام تشدد کا نشانہ بنایا گیا ہے۔
میڈیا رپورٹس کے مطابق پولیس کا کہنا ہے کہ فیصل آباد ریلوے پھاٹک کے قریب سابق یوسی چیئرمین مہر افضل بھروانہ کو 2 موٹرسائیکلوں پر سوار 6 افراد نے گاڑی سے نکال کر تشدد کا نشانہ بنایا ہے۔
ملزمان نے تشدد کا نشانہ بناتے ہوئے مہر افضل بھروانہ کے کپڑے پھاڑ دیے۔
پولیس کے مطابق نامعلوم افراد کے خلاف تھانہ کوتوالی میں مقدمہ درج کر لیا گیا ہے۔ مدعی مقدمہ نے بتایا کہ ملزمان ڈیڑھ لاکھ روپے نقدی اور کارڈز بھی لے گئے ہیں۔
پولیس کا کہنا ہے کہ ابتدائی تفتیش کے مطابق زمین کے تنازع پر ملزمان کی جانب سے مہر افضل پر تشدد کیا گیا ہے جبکہ مزید تفصیلات تفتیش کے بعد ہی سامنے آئیں گی۔
