آئی سی سی کرکٹ ورلڈ کپ آسٹریلین ٹیم کی جیت کے ساتھ اختتام کو پہنچ چکا ہے لیکن سماجی رابطوں کی ویب سائٹس پر صارفین اس فائنل کے سحر سے شاید اب تک نہیں نکل سکے ہیں۔
فائنل میں آسٹریلین ٹیم کی عمدہ کارکردگی سے لے کر میچ کے اختتام پر ہونے والی تقریب میں ہونے والے ناخوشگوار واقعات پر صارفین خوب تبصرے کر رہے ہیں۔
سماجی رابطے کی ویب سائٹ ایکس پر ایک ویڈیو وائرل ہو رہی ہے جس میں دیکھا جا سکتا ہے کہ آسٹریلوی کپتان پیٹ کمنز کو ہندوستانی وزیر اعظم نریندرا مودی اور آسٹریلیا کے نائب وزیر اعظم رچرڈ مارلس ٹرافی پیش کر رہے ہیں۔ ٹرافی دیتے ہی وہ پیٹ کمنز کو اکیلے چھوڑ کر اسٹیج سے چلے گئے۔
ویڈیو میں دیکھا جا سکتا ہے کہ اس کے بعد پیٹ کمنز اسٹیج پر اکیلے کھڑے پھیکی سی ہنسی ہنس دیے اور اپنی ٹیم کے باقی کھلاڑیوں کا اسٹیج پر انتظار کرتے رہے۔
I can’t stop watching this.
So perfectly funny. pic.twitter.com/SUIkXpt7WQ— Bertus de Jong (@BdJcricket) November 19, 2023
ویڈیو سماجی رابطے کی ویب سائٹ پر وائرل ہوئی تو صارفین نے بھارتی وزیر اعظم کو خوب تنقید کا نشانہ بنایا۔ صارفین کا کہنا تھا کہ یہ تقریب کرکٹ کی تاریخ کی سب سے عجیب و غریب تقریب کے طور پر جانی جائے گی۔
ایک صارف نے تبصرہ کرتے ہوئے لکھا ہندوستانی کتنے متعصب اور متکبر ہیں، مودی نے تھپڑ کی طرح ٹرافی کو پیٹ کمنز کے منہ پر دے مارا اور چل دیے۔
How bigoted and arrogant Indians are that Modi slapped the face of the Australian team captain like a trophy and left without a face.#ICCCricketWorldCup2023Final #IrfanPathan #BCCI #AskThePavilion pic.twitter.com/JQ3nBxHFRG
— Sofiakhan (@SofiaKhan998) November 20, 2023
جہاں صارفین مودی کو تنقید کا نشانہ بناتے نظر آئے وہیں کچھ صارفین ایسے بھی تھے جنہوں نے پوری کلپ شیئر کرتے ہوئے لکھا کہ سوشل میڈیا پر بلاوجہ تنقید کا نشانہ بنایا جا رہا ہے ، مودی نے پیٹ کمنز کو مبارکباد دی تھی۔
اسی حوالے سے ایک صارف نے پوری کلپ شیئر کرتے ہوئے لکھا کہ آدھی ادھوری ویڈیوز شیئر نہ کریں اس سے بُرا تاثر پڑتا ہے۔
Sir, dont share half videos which are cut to give wrong impression. #modi pic.twitter.com/TiNcoZYBMH
— Seeker– (@_BYkr_) November 19, 2023
بھارت کرکٹ کا ورلڈ کپ ہارا، جبکہ بھارت کا وزیراعظم بین الاقوامی آداب کا میچ ہارا۔
بھارت کرکٹ کا ورلڈ کپ ہارا، بھارت کا وزیراعظم بین الاقوامی آداب کا میچ ہارا۔
#India #Modi #Australia
#Cricket #WorldCup
https://t.co/UWTMPL4esK— اکرم راعی Akram Raee (@AkramRaee) November 19, 2023
واضح رہے کہ ورلڈ کپ فائنل کے بعد ہونے والی تقریب ایک گھنٹہ تاخیر سے شروع ہوئی جب 90ہزار کے قریب تماشائی اسٹیڈیم سے باہر جا چکے تھے۔ صارفین کا کہنا تھا کہ اس تقریب میں بدانتظامی سے انڈیا کی جگ ہنسائی ہوئی ہے۔