ایڈیشنل ڈسٹرکٹ اینڈ سیشن عدالت نے اسلام آباد کے تھانہ کوہسارمیں درج مقدمے میں عوامی مسلم لیگ کے سربراہ شیخ رشید احمد کی ضمانت کنفرم کر دی ہے۔
ایڈیشنل ڈسٹرکٹ اینڈ سیشن عدالت کے جج طاہر عباس سپرا نے سابق وزیر داخلہ و عوامی مسلم لیگ کے سربراہ شیخ رشید کے خلاف اسلام آباد کے تھانہ کوہسار میں درج مقدمے کی سماعت کی، شیخ رشید احمد اپنے وکلاء سردار شہباز اور دیگر کے ہمراہ عدالت پیش ہوئے۔
عدالت نے 5 ہزار روپے مالیتی مچلکے جمع ہوجانے پرسابق شیخ رشید ضمانت کنفرم کر دی اور کیس کی سماعت25 نومبر تک کے لیے ملتوی کر دی۔
واضح رہے کہ راولپنڈی کی انسداد دہشت گردی عدالت نے بھی 9 مئی کے مقدمات میں سابق وفاقی وزیر ریلوے شیخ رشید کی ضمانت میں 25 نومبر تک توسیع کر رکھی ہے۔