تحریک انصاف کے رہنماؤں اسد عمر، علی نواز اعوان اور راجا خرم نواز کے استعفوں کی منظوری کا نوٹیفکیشن معطل۔ اسلام آباد ہائی کورٹ نے الیکشن کمیشن کو ضمنی انتخابات سے روک دیا۔
چیف جسٹس عامر فاروق نے اسلام آباد سے ارکان قومی اسمبلی کی الیکشن کمیشن کے ڈی نوٹیفائی کرنے کے فیصلے کیخلاف درخواست پر سماعت کی۔
دوران سماعت چیف جسٹس نے کہا کہ پہلے آپ کہہ رہے تھے استعفے منظور نہیں ہو رہے۔ اب آپ کہہ رہے غلط منظور ہوئے۔
وکیل علی ظفر کا کہنا تھا تحریک انصاف کے ارکان واپس اسمبلی جانا چاہتے ہیں۔ لاہور ہائی کورٹ نے پنجاب کے ممبران کے استعفوں کے نوٹیفکیشن معطل کر رکھے ہیں۔
اسلام آباد کے تین ممبران کی حد تک ہم نے اسلام آباد ہائیکورٹ سے رجوع کیا ہے۔ عدالت نے استعفوں کی منظوری کا نوٹیفکیشن معطل کرتے ہوئے فریقین کو نوٹس جاری کرکے جواب طلب کر لیا۔
