ایڈیشنل سیشن جج ظفر اقبال نے توشہ خانہ کیس میں عمران خان کے ناقابلِ ضمانت وارنٹ گرفتاری کرنے کا تفصیلی فیصلہ جاری کر دیا۔
فیصلے میں کہا گیا ہے کہ عمران خان توشہ خانہ کیس میں متعدد بار عدالتی پیشی پر غیرحاضر رہے۔ عمران خان آخری سماعت کے عدالتی اوقات کے اندر پیش نہیں ہوئے۔
عمران خان کی حاضری سے استثنیٰ کی درخواست میں کہا گیا تھا کہ جوڈیشل کمپلینٹ میں پیشی کے باعث کچہری میں پیش نہیں ہو سکتے۔ صاف ظاہر ہو رہا ہے کہ عمران خان عدالتی پیشیوں کو اپنی ترجیحات کے مطابق رکھ رہے ہیں ۔
توشہ خانہ کیس عمران خان کی ترجیحات میں شامل نہیں۔ عمران خان ضلعی کچہری سے چند منٹوں کی دوری پر تھے۔ عمران خان کی درخواست قابل قبول نہیں، مسترد کی جاتی ہے۔
فیصلے میں کہا گیا ہے کہ عمران خان کے ناقابلِ ضمانت وارنٹ گرفتاری جاری کیے جائیں۔ عمران خان کو گرفتار کرکے 7 مارچ کو عدالت پیش کیا جائے۔عمران خان کی 7 مارچ کو عدالتی حاضری یقینی بنائی جائے۔
