پاکستانی ویمن ٹیم کی کپتان بسمہ معروف نے حال ہی میں جنوبی افریقہ میں کھیلے گئے ٹی ٹوئنٹی ورلڈ کپ میں ناقص کارکردگی کے بعد کپتانی سے استعفی دے دیا۔
اپنی ایک ٹوئٹ میں پاکستان کرکٹ بورڈ ( پی سی بی ) کے چیئر مین نجم سیٹھی نے کہا کہ انہوں نے بسمہ معروف کا استعفی منظور کر لیا۔
نجم سیٹھی نے ٹویٹ میں لکھا کہ بسمہ معروف نے یہ کہتے ہوئے استعفی دیا ہے کہ وہ نوجوان کھلاڑیوں کے لیے راستہ بنانا چاہتی ہیں۔
I have accepted resignation of @maroof_bismah Captain of Pakistan Women’s National Team. She wants to make way for a younger colleague. But happily she will continue to play for Pakistan and bring laurels for her country.
— Najam Sethi (@najamsethi) February 28, 2023
نجم سیٹھی کے مطابق بسمہ معروف نے صرف کپتانی سے استعفی دیا ہے لیکن وہ پاکستان ویمن ٹیم میں عام کھلاڑی کے طور پر دستیاب ہو گی اور پاکستان کا نام روشن کرتی رہے گی۔
واضح رہے کہ بسمہ معروف کی قیادت میں پاکستان ویمن ٹیم نے 62 ٹی ٹوئنٹی میچ کھیلے جن میں 27 میچز میں پاکستان کو فتح نصیب ہوئی۔ جبکہ ون ڈے میں پاکستان نے بسمہ کی کپتانی میں 34 میں سے 16 میچ جیتے ہیں۔
