احتساب عدالت نے190 ملین پاؤنڈ اسکینڈل میں چیئرمین پی ٹی آئی عمران خان کا مزید 4 روزہ ریمانڈ منظور کرلیا۔
کیس کی سماعت اڈیالہ جیل میں احتساب عدالت کےجج محمد بشیر نے کی۔ ڈپٹی پراسیکیوٹر جنرل نیب سردار مظفر عباسی و دیگر جبکہ چیئرمین پی ٹی آئی کی جانب سے ان کے وکیل لطیف کھوسہ عدالت میں پیش ہوئے۔
مزید پڑھیں
نیب کی جانب سے مزید تفتیش کے لیے عمران خان کے جسمانی ریمانڈ توسیع کی استدعا کی گئی تھی جسے عدالت نے منظور کرلیا۔ جج محمد بشیر نے چیئرمین پی ٹی آئی کو پیر کو دوبارہ عدالت میں پیش ہونے کا حکم دیا۔
قبل ازیں سردار مظفر عباسی ب نے جیل کے باہر میڈیا سے گفتگو کرتے ہوئے بتایا تھا کہ آج عدالت سے چیئرمین پی ٹی آئی کے 15 دن کے جسمانی ریمانڈ کی استدعا کی جائے گی۔
واضح رہے القادر ٹرسٹ 190 ملین پاؤنڈ کیس میں بشریٰ بی بی کی عبوری ضمانت 29 نومبر تک منظور ہوئی ہے۔29 تاریخ کو بشریٰ بی بی کی درخواست ضمانت پر بحث ہوگی۔
واضح رہے کہ القادر ٹرسٹ 190 ملین پاؤنڈ کیس میں بشریٰ بی بی کی عبوری ضمانت 29 نومبر تک منظور ہوئی ہے۔ 29 نومبر کو بشریٰ بی بی کی درخواست ضمانت پر بحث ہوگی۔
