پاکستان ویمنز کرکٹ ٹیم کا 17 رکنی اسکواڈ ندا ڈار کی قیادت میں نیوزی لینڈ کے خلاف 3 ٹی 20 اور 3 ون ڈے انٹرنیشنل کی سیریز کھیلنے کے لیے براستہ دبئی آکلینڈ پہنچ گیا ہے۔ ٹی 20 سیریز 3 سے 9 دسمبر تک کھیلی جائے گی، جبکہ ون ڈے سیریزآئی سی سی ویمنز چیمپئن شپ کا حصہ ہے وہ 12 سے اٹھارہ دسمبر تک کھیلی جائے گی۔
New Zealand-bound 🇵🇰 squad ✈️#NZWvPAKW | #BackOurGirls pic.twitter.com/OoUIp7Omzx
— Pakistan Cricket (@TheRealPCB) November 24, 2023
دونوں ٹیموں کے درمیان 3 ٹی ٹوئنٹی انٹرنیشنل میچ 3، 5 اور 9 دسمبر کو ڈنیڈن اور کوئنز ٹاؤن میں کھیلے جائیں گے جبکہ ون ڈے انٹرنیشنل میچز کوئنز ٹاؤن اور کرائسٹ چرچ میں 12 سے 18 دسمبر کے درمیان ہوں گے۔
🚨 Pakistan Women squad announced for New Zealand series 🚨
Fatima Sana, Omaima Sohail and Shawaal Zulfiqar return to the team 🏏
Read more ➡️ https://t.co/BZSiySdTYA#NZWvPAKW | #BackOurGirls pic.twitter.com/grpedi493E
— Pakistan Cricket (@TheRealPCB) November 17, 2023
قومی اسکواڈ کی قیادت کپتان ندا ڈار کریں گی جبکہ ٹیم میں عالیہ ریاض، بسمہ معروف، ڈیانا بیگ، فاطمہ ثنا اور غلام فاطمہ شامل ہوں گی۔ قومی ٹیم کے اسکواڈ میں 2 وکٹ کیپر منیبہ علی اور نجیہہ علوی کے علاوہ نشرہ سندھو، نتالیہ پرویز، عمیمہ سہیل، صدف شمس، سعدیہ اقبال، شوال ذوالفقار، سدرہ امین اور ام ہانی سمیت وحیدہ اختر بھی شامل ہیں۔
مزید پڑھیں
پاکستان ٹیم نے نیوزی لینڈ روانگی سے قبل کراچی میں 4 روزہ ٹریننگ کیمپ میں حصہ لیا اور بھرپور پریکٹس کی۔ اس موقع پر کپتان ندا ڈار کا کہنا تھا کہ قومی ویمنز ٹیم اسکواڈ میں چند نوجوان کھلاڑی بھی شامل ہیں جبکہ فاطمہ ثنا اور شوال ذوالفقار کی بھی ٹیم میں واپسی ہوئی ہے۔
انہوں نے بتایا کہ ہم کھلاڑیوں کا ایک درست کمبی نیشن بنانے میں مصروف ہیں، بطور کپتان مجھے اپنی کھلاڑیوں پر مکمل اعتماد ہے، ہماری کھلاڑیوں نے حال ہی میں جنوبی افریقہ کے خلاف اچھی کارکردگی دکھائی تھی۔ ہماری 2 کھلاڑی نشرہ سندھو اور سعدیہ اقبال آئی سی سی کی ٹی ٹوئنٹی بولنگ رینکنگ میں ابتدائی 10 کھلاڑیوں میں شامل ہیں۔
خیال رہے کہ پاکستانی ویمنز ٹیم 28 نومبر کو ون ڈے وارم اپ میچ اور 30 نومبر کو ٹی 20 وارم اپ میچ کھیلے گی۔
واضح رہے کہ پاکستان اور نیوزی لینڈ کی ٹیموں کے درمیان ہونے والی ون ڈے سیریز آئی سی سی کی ویمنز چیمپئن شپ کا حصہ ہے۔