زرعی ترقیاتی بینک نے ملک بھر کے سینکڑوں پڑھے لکھے نوجوانوں کو روزگار کی فراہمی کا اعلان کیا ہے۔
زرعی ترقیاتی بینک کی طرف سے جاری تفصیلات کے مطابق زرعی گریجویٹس سمیت مختلف شعبوں میں ماسٹر ڈگری کے حامل ہونہار نوجوانوں کی خدمات حاصل کی جائیں گی۔
بینک ملک بھر میں قائم اپنی 500 برانچوں کے لیے 300 افسران بھرتی کرے گا۔
زرعی ترقیاتی بینک کے اس اقدام سے ملک کے پڑھے لکھے نوجوانوں کو روزگار کے مواقع میسر آئیں گے۔
ملک میں سیاسی اور معاشی عدم استحکام کے باعث بیروزگاری کی شرح میں اضافہ ہوا ہے، ایسے میں زرعی ترقیاتی بینک کی جانب سے نوکریوں کا اعلان ڈگری ہولڈرز کے لیے حوصلہ افزا ہے۔