پاکستان میں حج درخواستوں کی وصولی کا آغاز کل سے ہو گا جس کے لیے 15 بینکوں کی خدمات حاصل کی گئی ہیں۔
وزارت مذہبی امور سے جاری اعلامیے میں بتایا گیا ہے کہ سرکاری اسکیم کے تحت حج درخواستیں 27 نومبر سے 12 دسمبر تک وصول کی جائیں گی۔
اعلامیے کے مطابق آئندہ برس 2024 میں تقریباً 89 ہزار 605 پاکستانی شہری سرکاری اسکیم کے تحت فریضہ حج کی ادائیگی کے لیے جا سکیں گے۔
مزید پڑھیں
وزارت مذہبی امور کے مطابق خواتین کو پہلی بار محرم کے بغیر فریضہ حج ادا کرنے کی اجازت ہو گی۔
اعلامیے میں بتایا گیا ہے کہ اگر درخواستیں مقررہ تعداد سے زیادہ موصول ہوئیں تو اس صورت میں قرعہ اندازی کے ذریعے ناموں کا اعلان کیا جائے گا۔
اس کے علاوہ یہ بھی کہا گیا ہے کہ اسپانسر شپ اسکیم کے تحت درخواستیں ڈالرز کے ہمراہ بیرون ملک سے جمع کرانا ہوں گی، اس اسکیم کے تحت درخواست دینے والے قرعہ اندازی سے مستثنیٰ ہوں گے۔
وزارت مذہبی امور نے کہا ہے کہ حج درخواستیں جمع کرانے کے لیے ضروری ہے کہ دسمبر 2024 تک کارآمد شناختی کارڈ موجود ہو اور حج درخواستیں جمع کرانے کے لیے 15 بینکوں کی خدمات حاصل کی گئی ہیں۔
