پاکستان کرکٹ بورڈ (پی سی بی) نے قومی کرکٹ ٹیم کے وکٹ کیپر بیٹر اعظم خان کو ایک میچ کے دوران فلسطین کا جھنڈا لگانے پر بھاری جرمانہ عائد کیا ہے، جس پر پی سی بی کو سوشل میڈیا پر تنقید کو نشانہ بنایا جا رہا ہے۔
اس معاملے پر پی سی بی کو تنقید کا نشانہ بنایا جانا درست ہے یا غلط، اس حوالے سے سینئر سپورٹس جرنلسٹ فیضان لاکھانی نے اپنی رائے کا اظہار کیا ہے۔ سوشل میڈیا پلیٹ فارم ایکس پر ایک پوسٹ میں انہوں نے کہا:
’ہم سب اعظم کے خلاف پی سی بی کی کارروائی کو نفرت کی نگاہ سے دیکھ رہے ہیں لیکن میرے خیال میں انہوں نے ایسا اس لیے کیا کیونکہ میچ ٹی وی پر دکھایا جا رہا تھا اور وہ (پی سی بی) آئی سی سی قوانین (جو تمام کرکٹ آفیشلز پر لاگو ہوتے ہیں) کا دستخط کنندہ ہے۔ اعظم نے گزشتہ میچز (جو براڈ کاسٹ نہیں کیے گئے) میں بھی یہی جھنڈا لگایا تھا اور اس وقت کسی نے ان سے کچھ نہیں کہا تھا‘۔
We all are hating PCB for action against Azam, but I think they opted for this being a signatory to ICC regulations (which apply on all official cricket) because the game was on TV. Azam displayed the same flag in previous games (non broadcas), nobody said anything earlier. https://t.co/UJm8UEWWoV
— Faizan Lakhani (@faizanlakhani) November 26, 2023
فیضان لاکھانی کی پوسٹ پر ایکس صارفین نے ملے جلے رد عمل کا اظہار کیا ہے۔ صارف خوشنود علی خان نے کہا، ’اگر اعظم خان پہلے کھیلے گئے میچز میں یہی بیٹ استعمال کر رہے تھے تو پی سی بی نے انہیں بتایا کیوں نہیں‘۔
PCB me Azam Khan ko bataya q nhi if he used this bat in last match?
— khushnood Ali Khan (@khushnoodali00) November 26, 2023
حسبان میمن نے بھارتی ٹیم کی مارچ 2019 میں آسٹریلیا میں ایک میچ کے دوران لی گئی تصویر شیئر کرتے ہوئے کہا، ’آئی سی سی کے قوانین یہاں تبدیل ہوجاتے ہیں‘۔
icc rules change here pic.twitter.com/q3KZr9vIGV
— Hisban Memon (@hisbanspeaks) November 26, 2023
عباس نے ورلڈ کپ کے دوران بیٹ پر مہاراج کے دستخط کے بارے میں بات کرتے ہوئے پوچھا کہ کیا اس وقت آئی سی سی سو رہی تھی۔
What about mahrajs sign on his bat during world cup ..
Was ICC sleeping— Abbas (@AbbasKh59381856) November 26, 2023
عاطف داور نے سوال کیا کہ آفیشل لیگز میں بولیاں/ شرطیں لگانے والی کمپنیوں اور ان کے فروغ سے متعلق آئی سی سی کے کیا قوانین ہیں؟ کیا پی سی بی بولیوں/ فرنچائز اسپانسرز کی حوصلہ افزائی نہیں کرتا؟ سیدھا سیدھا کہو کہ پی سی بی والے بھی منافق ہیں، جیسی حکومت ویسی ہی پی سی بی ہے۔
And what are rules and regulations of ICC about BETTING COMPANIES/ Promoting Betting? In official Leagues?
Didn’t PCB promoting Betting as PCB/ Franchise sponsors?
Seedha seedha kahu kai Hypocrite hai PCB wale sarey jese Govt. hai wesi PCB hai— Atif Dawar (@atifdawar59) November 27, 2023
مصطفیٰ نے کہا، ’بالکل صحیح کیا پی سی بی نے، یہ قوانین کے خلاف ہے‘۔
Bilkul sahi kiya PCB ne, its against regulations
— Mustafa (p8stie co intern) (@mus_moiz) November 26, 2023
انس نے کہا، ’پہلے میچ میں اسٹیکر استعمال کیا کسی کو پتہ نہیں چلا۔ اب جرمانہ ہوا تو یہ مسئلہ پھر منظر عام پر آگیا اور سب کو پتہ چل گیا، مارکیٹنگ کے طریقے۔
پہلے میچ میں اسٹیکر استعمال کیا کسی کو پتا نہیں لگا۔
اب جرمانہ ہوا تو یہ ایشو پھر ہائی لائٹ ہوگیا سب کو پتا لگ گیا۔
Marketing tactics 🤐— Ans (@AnsS916) November 27, 2023
واضح رہے کہ پاکستانی بلے باز اعظم خان کو قومی ٹی ٹوئنٹی ٹورنامنٹ میں لاہور بلیوز اور کراچی وائٹس کے درمیان کھیلے جانے والے میچ میں بلے پر فلسطین کے جھنڈے کا اسٹیکر چسپاں کرنے پر میچ فیس کا 50 فیصد جرمانہ کیا گیا تھا۔
This was for our brothers and sisters in Gaza. 🤲🏼
Happy to contribute in the win. Credits to the whole team and especially Abdullah Shafique and Hassan Ali for making it easier.
Extremely grateful to the people of Hyderabad for the amazing hospitality and support throughout.
— Muhammad Rizwan (@iMRizwanPak) October 11, 2023
اس سے قبل رواں برس بھارت میں کھیلے گئے ورلڈ کپ میں پاکستانی وکٹ کیپر اور بیٹر محمد رضوان نے سوشل میڈیا پلیٹ فارم ایکس پر سری لنکا کے خلاف اپنی شاندار سینچری اور پاکستان کی جیت غزہ کے مظلوم فلسطینیوں کے نام کی تھی جس کے بعد پی سی بی نے انہیں پوسٹ ڈیلیٹ کرنے کو کہا تھا، لیکن انہوں نے اس پر عمل کرنے سے انکار کردیا تھا۔