چئیرمین پی ٹی آئی عمران خان نے کہا ہے کہ ’ہم سپریم کورٹ کے فیصلے کا خیر مقدم کرتے ہیں۔ آئین کو برقرار رکھنا سپریم کورٹ کی ذمہ داری تھی۔ سپریم کورٹ نے اپنے فیصلے کے ذریعے بہادری سے یہ فیصلہ کیا ہے۔
We welcome the SC judgement. It was responsibility of SC to uphold Constitution & they have valiantly done that through their judgement today. It is an assertion of Rule of Law in Pak. We are suspending our Jail Bharo movement & moving forward with elec campaigns in KP & Punjab.
— Imran Khan (@ImranKhanPTI) March 1, 2023
عمران خان کا اپنے ٹویٹ میں مزید کہنا تھا ’ یہ فیصلہ پاکستان میں قانون کی حکمرانی کی بالا دستی ہے۔ ہم جیل بھرو تحریک کو معطل کر رہے ہیں اور کے پی اور پنجاب میں انتخابی مہم کے ساتھ آگے بڑھ رہے ہیں‘۔
یاد رہے کہ آج صبح سپریم کورٹ نے پنجاب اور خیبرپختونخوا میں انتخابات کے از خود نوٹس کیس میں دونوں صوبوں میں انتخابات 90 روز میں کرانے کا حکم دیا ہے۔
چیف جسٹس عمر عطا بندیال نے گزشتہ روز فیصلہ محفوظ کیا تھا۔ دو کے مقابلے میں تین کی اکثریت سے سنائے گئے فیصلے میں بینچ کی اکثریت نے درخواست گزاروں کو ریلیف دیا ہے۔
ازخود نوٹس کا تحریری فیصلہ 13 صفحات پر مشتمل ہے ۔ جسٹس جمال مندو خیل اور جسٹس منصور علی شاہ کے دو صفحات پر مشتمل اختلافی نوٹ بھی فیصلے کا حصہ ہیں۔
