پاکستان تحریک انصاف (پی ٹی آئی) نے شیر افضل مروت کے دعوے کی ترید کرتے ہوئے کہا ہے کہ عمران خان چیئرمین شپ سے دستبردار نہیں ہوئے۔
پارٹی کے آفیشل ’ایکس‘ اکاؤنٹ پر جاری بیان میں کہا گیا ہے کہ انٹرا پارٹی انتخابات کے حوالے سے اہم امور پر مشاورت کی جا رہی ہے، ابھی تک عمران خان کی دستبرداری یا کسی اور کی نامزدگی کا کوئی فیصلہ نہیں کیا گیا۔
پاکستان تحریک انصاف کے انٹرا پارٹی انتخابات کے انعقاد اور چیئرمین عمران خان کے نئی مدت کیلئے انتخاب میں حصہ لینے کا معاملہ
پاکستان تحریک انصاف کی انٹراپارٹی انتخاب کے حوالے سے میڈیا میں کی جانے والی قیاس آرائیوں کی سختی سے تردید
چیئرمین تحریک انصاف عمران خان کے الیکشن کمیشن…
— PTI (@PTIofficial) November 28, 2023
واضح رہے کہ عمران خان کے وکیل شیر افضل مروت نے میڈیا سے گفتگو کرتے ہوئے کہا تھا کہ عمران خان چیئرمین شپ سے دستبردار ہو گئے ہیں اور اب ان کی جگہ کوئی دوسرا امیدوار الیکشن لڑے گا۔
پی ٹی آئی انٹرا پارٹی انتخابات: عمران خان چیئرمین شپ سے دستبردار ہوگئے
ترجمان پی ٹی آئی کے مطابق انٹراپارٹی انتخابات کے انعقاد، تاریخ و طریقہ کار اور امیدواران کے تعین سمیت تمام اہم معاملات پر جوں ہی قیادت کسی نتیجے پر پہنچے گی اسے باضابطہ طور پر جاری کیا جائے گا۔
دوسری جانب شیر افضل مروت نے پی ٹی آئی کو جواب دیتے ہوئے کہا ہے کہ میں نے انٹرا پارٹی انتخابات کے حوالے سے جو کچھ کہا وہ درست ہے۔
میں نے @ptiofficial کے جاری کردہ تضاد کا جائزہ لیا ہے۔
میں نے انٹرا پارٹی الیکشن کے بارے میں اپنی میڈیا ٹاک میں جو کچھ بھی کہا ہے وہ درست بیان ہے۔ فیصلے چیئرمین پی ٹی آئی نے سینیٹر علی ظفر، بیرسٹر گوہر عمیر نیازی اور میری موجودگی میں کئے۔ میں یہ سمجھنے میں ناکام ہوں کہ تضاد کے…— Sher Afzal Khan Marwat (@sherafzalmarwat) November 28, 2023
شیر افضل مروت نے کہاکہ عمران خان نے سینیٹر علی ظفر، بیرسٹر گوہر، عمیر نیازی اور میری موجودگی میں فیصلے کیے ہیں۔
انہوں نے کہاکہ مجھے اس بات کی سمجھ نہیں آ رہی کہ اس تضاد کے پیچھے کون ہے اور گمراہ کن بیان جاری کیوں کیا گیا۔
