نمیبیا نے لگاتار تیسری مرتبہ ٹی20 ورلڈ کپ کے لیے کوالیفائی کرلیا ہے۔
نمیبیا نے ٹی20 ورلڈ کپ کے لیے ایک کوالیفائینگ میچ باقی رہنے کے باوجود 2024 کے مردوں کے ٹی20 ورلڈ کپ کے لیے کوالیفائی کیا ہے۔
نمیبیا نے ٹی20 ورلڈ کپ کے لیے افریقی ٹیموں کے کوالیفائینگ راؤنڈ کے پانچویں میچ میں تنزانیہ کو 58 رنز سے شکست دیکر پہلی پوزیشن حاصل کرلی ہے۔ اس سے قبل نمیبیا نے زمبابوے، یوگنڈا، روانڈا اور کینیا کو شکست سے دوچار کیا تھا۔
𝑸𝑼𝑨𝑳𝑰𝑭𝑰𝑬𝑫 👍
Namibia have booked their berth for Men's #T20WorldCup 2024 👏https://t.co/2VxDgDrCWJ
— ICC (@ICC) November 28, 2023
کرکٹ نمیبیا کے صدر روڈی وان وورین نے اپنی ٹیم کی کامیابی پر مسرت کا ظہار کرتے ہوئے کہا، ’ہمیں اپنے کھلاڑیوں اور کوچنگ ٹیم کے ممبران پر بہت فخر ہے‘۔
نمیبیا کی ٹیم 2021 میں متحدہ عرب امارات میں پہلی بار کوالیفائر کے طور پر سپر 12 مرحلے تک پہنچی لیکن پھر گزشتہ سال آسٹریلیا میں پہلے مرحلے میں ہی باہر ہو گئی۔
مزید پڑھیں
یوگنڈا، کینیا اور زمبابوے میں پوائنٹ ٹیبل پر دوسری پوزیشن حاصل کرنے اور اگلے سال ٹی ٹوئنٹی ورلڈ کپ کھیلنے کے لیے سخت مقابلہ ہے، یوگنڈا کا بدھ کو کینیا سے مقابلہ ہوگا۔
نمیبیا، جو جنوبی افریقہ اور زمبابوے کے ساتھ مل کر 2027 میں کرکٹ ورلڈ کپ کی میزبانی کرے گا، جمعرات کو نائیجیریا کے خلاف میچ کھیل کر اپنے گروپ راؤنڈ میچز کا اختتام کرے گا۔
واضح رہے کہ ٹی20 ورلڈ کپ اگلے سال امریکا اور ویسٹ انڈیز میں کھیلے جانے والے ٹی20 ورلڈ کپ میں شرکت کے ذریعے نمیبیا کی یہ مسلسل تیسری بار ٹی20 ورلڈ کپ میں شرکت ہوگی۔
