دنیائے موسیقی کو ملکہ ترنم نورجہاں کی آواز گنوائے 23 برس ہونے کو ہیں۔ پاکستان و ہندوستان سمیت پوری دنیا میں اپنی جادوئی آوز کے باعث مشہور نورجہاں کو خراج عقیدت پیش کرنے کے لیے پاکستان ٹیلی وژن نے فیصلہ کیا ہے کہ یکم تا 23 دسمبر روزانہ ان کا ایک نغمہ نشر کیا جائے گا۔
اس بات کا اعلان نگراں وفاقی وزیر اطلاعات، نشریات و پارلیمانی امور مرتضیٰ سولنگی کیا ہے۔ وفاقی وزیر کا کہنا ہے کہ مذکورہ مدت کے دوران پاکستان ٹیلی وژن نورجہاں کا نغمہ روزانہ رات 11 بجے نشر کرے گا۔
سماجی رابطے کے پلیٹ فارم ’ایکس‘ پر اپنے ٹوئٹ میں نگراں وفاقی وزیر اطلاعات نے کہا کہ ملکہ ترنم نور جہاں کو ہم سے بچھڑے 23 برس بیت گئے ہیں اور ان کی 23 ویں برسی پر انہیں زبردست خراج عقیدت پیش کیا جائے گا۔
نگراں وفاقی وزیر اطلاعات مرتضیٰ سولنگی
ملکہ ترنم نور جہاں کو ہم سے بچھڑے 23 برس بیت گئے
ملکہ ترنم نور جہاں کی 23 ویں برسی پر انہیں زبردست خراج عقیدت پیش کیا جائے گا@murtazasolangi pic.twitter.com/rCCfXsZLBS
— PTV News (@PTVNewsOfficial) November 28, 2023
مرتضیٰ سولنگی نے کہا کہ پی ٹی وی ملکہ ترنم نور جہاں کی 23 ویں برسی پر یکم دسمبر سے 23 دسمبر تک ان کا ایک گانا روزانہ رات کو رات 11 بجے نشر کرے گا۔
