پاکستان سپرلیگ کے 9ویں ایڈیشن کے لیے کھلاڑیوں کی ڈرافٹنگ 13 دسمبر کو نیشنل کرکٹ اکیڈمی لاہور میں ہوگی۔
پلیئر ڈرافٹ کے لیے ِپک آرڈر کو رواں ماہ حتمی شکل دے دی گئی ہے جس کے مطابق کوئٹہ گلیڈی ایٹرز کو ڈرافٹ میں پہلا کھلاڑی منتخب کرنا ہے۔ پلاٹینم کیٹیگری کے لیے پہلے راؤنڈ کا سلیکشن آرڈر پچھلے سیزن کی آخری ٹیم سے پہلی ٹیم کی سٹینڈنگ کے مطابق ہوگا۔
Mark your calendars! 🗓️
🏏 HBL PSL Player Draft 2024
📍Wednesday 13 Dec 2023 #HBLPSLDraft #HBLPSL9Read more here: https://t.co/OGflCYGKA5 pic.twitter.com/iQp9df4VL6
— PakistanSuperLeague (@thePSLt20) November 29, 2023
مزید پڑھیں
پاکستان سپر لیگ میں مقامی کھلاڑیوں کو برقرار رکھنے کا عمل 10 نومبر کو مکمل ہوچکا ہے جبکہ غیر ملکی کرکٹرز کی رجسٹریشن 25 اکتوبر سے شروع ہوگئی تھی جس میں کئی ٹاپ کھلاڑیوں نے دلچسپی ظاہر کی ہے۔
اس کے علاوہ بدھ کے روز کراچی کنگز اور اسلام آباد یونائیٹڈ کے درمیان ٹریڈ کے نتیجے میں حسن علی اسلام آباد یونائیٹڈ سے کراچی کنگز میں آئے ہیں جبکہ عماد وسیم اسلام آباد یونائیٹڈ میں شامل ہوئے ہیں۔
A new beginning pic.twitter.com/dHookYC5vR
— Imad Wasim (@simadwasim) November 29, 2023
لاہور قلندرز کے مرزا طاہرگولڈ سے سلورکیٹیگری میں چلے گئے۔اسلام آباد یونائیٹڈ کے رومان رئیس بھی گولڈ سے سلور کیٹیگری میں چلے گئے۔اس کے علاوہ کراچی کنگز کے میرحمزہ بھی گولڈ سے سلور کیٹیگری میں چلے گئے۔
فاسٹ بولر نسیم شاہ کون سی ٹیم کی جانب سے پی ایس ایل کا 9 واں ایڈیشن کھیلیں گے یہ ابھی تک سوالیہ نشان ہے۔ فاسٹ بلر نے کوئٹہ گلیڈی ایٹرز کو خدا حافظ کہہ دیا تھا اس کے بعد پشاور زلمی نے نسیم شاہ کو پِک کرنے میں دلچسبی ظاہر کی لیکن ان کے معاملات طے نہ ہوئے اب خبریں سامنے آرہی ہیں کہ نسیم شاہ آئندہ ایڈٰیشن میں ملتان سلطانز کی نمائندگی کریں گے۔
