وفاقی کابینہ کا اہم اجلاس وزیر اعظم پاکستان محمد شہباز شریف کے زیر صدارت دن گیارہ بجے اسلام آباد میں ہوگا۔ اجلاس کا پانچ نکاتی ایجنڈا جاری کر دیا گیا ہے۔
اجلاس کے شرکا سپریم کورٹ از خود نوٹس کیس کے فیصلے پر مشاورت بھی کریں گے۔ وزارت موسمیاتی تبدیلی کی نیشنل کلین ایئر پالیسی بھی ایجنڈے میں شامل ہے۔
توانائی بچت پلان پر بریفنگ ، کمرشل علاقوں میں بجلی کی قیمت دوگنا کرنے کی تجویز اور کابینہ کمیٹی برائے قانون سازی کے 6 جنوری کے فیصلوں کی توثیق بھی ایجنڈے میں شامل ہے۔
نیشنل یونیورسٹی آف پاکستان کے قیام کا بل کابینہ میں وفاقی کابینہ کے اجلاس میں پیش کیا جائے گا۔
اجلاس میں بجلی کے بریک ڈاؤن پر رپورٹ بھی پیش کی جائے گی۔ بجلی کے لائن لاسز اور چوری پر پاور ڈویژن حکام کی جانب سے بریفنگ دی جائے گی۔
