محمکہ موسمیات کے مطابق ملک کے بیشتر علاقوں میں آج مطلع ابر آلود رہے گا۔ اسلام آباد میں مطلع ابرآلود رہنے کے علاوہ تیز ہواؤں اور بارش کا امکان ہے۔
موسم کا حال بتانے والوں کا کہنا ہے کہ خیبرپختونخوا کے بیشتر اضلاع میں مطلع ابر آلود رہے گا۔ چترال، کرم، وزیرستان، دیر، سوات، بالاکوٹ اور کوہستان میں گرج چمک کے ساتھ بارش اور برفباری متوقع ہے۔
کوہاٹ، پشاور،مردان، مانسہرہ، ایبٹ آباد، بنوں اور ڈیرہ اسماعیل خان میں بارش اورپہاڑوں پر برفباری جبکہ بالائی علاقوں میں بعض مقامات پر تیز بارش کا امکان ہے۔
پنجاب کے بیشتر اضلاع میں مطلع ابر آلود رہنے کا جبکہ مری، گلیات سمیت خطہ پوٹھوہار، گوجرانوالہ، لاہور، جھنگ، ٹوبہ ٹیک سنگھ میں آج بادل برسیں گے۔
سیالکوٹ، نارووال، گجرات، ڈی جی خان،فیصل آباد، سرگودھا، میانوالی اور بھکر میں بھی تیز ہواؤں اور گرج چمک کے ساتھ بارش کا امکان ہے۔
کوئٹہ، ژوب، زیارت، چمن، سبی، خضدار، قلات، نصیرآباد، بارکھان، پنجگور، کیچ، دالبندین اور نوکنڈی میں تیز ہواؤں اور گرج چمک کے ساتھ بارش کا امکان ہے۔
محمکہ موسمیات کے مطابق سندھ کے بیشتر اضلاع میں موسم خشک رہےگا۔ سکھر، لاڑکانہ اور گرد و نواح میں مطلع جزوی ابر آلود رہے گا۔
آزاد کشمیر اور گلگت بلتستان میں تیز ہواؤں اور گرج چمک کے ساتھ بارش اور پہاڑوں پر برفباری کی توقع جبکہ کشمیر میں بعض مقامات پر تیز بارش کا امکان ہے۔
