راولپنڈی کرکٹ اسٹیڈیم میں پاکستان سپر لیگ کے میچوں کے دوران میٹرو بس سروس عارضی طور پر بند رہے گی۔
ماس ٹرانزٹ اتھارٹی حکام کے اعلان کے مطابق پاکستان سپر لیگ (پی ایس ایل) کی ٹیموں کی سرینا ہوٹل سے راولپنڈی کرکٹ اسٹیڈیم تک نقل و حرکت کو محفوظ بنانے کے لیے اسلام آباد میں نائنتھ ایونیو پر میٹرو بس سروس یکم مارچ سے 12 مارچ تک عارضی طور پر معطل رہے گی۔
میٹرو بس سروس کی معطلی صرف ٹیم کی نقل و حرکت کے دوران ہی میں رہے گی ، بعد ازاں بس سروس فوری طور پر دوبارہ شروع ہو جائے گی۔ میٹرو بس سروس کی معطلی کا فیصلہ حکام کی جانب سے پی ایس ایل میچز کے سیکیورٹی انتظامات کا جائزہ لینے کے بعد کیا گیا۔
واضح رہے کہ حکام کی جانب سے جاری کردہ شیڈول کے مطابق میٹرو بس سروس کی معطلی صرف میچ کے دن ہوگی
