خیبر پختونخوا کے ضلع اورکزئی میں ایک 9 ماہ کے بچے میں پولیو وائرس کی تصدیق ہوئی ہے۔
ترجمان وزارت صحت نے بتایا ہے کہ ملک میں رواں سال پولیو کیسز کی تعداد 6 ہوگئی ہے۔ ’ملک کے 12 اضلاع سے 20 ماحولیاتی نمونوں میں پولیو وائرس کی تصدیق ہوئی ہے‘۔
ترجمان کے مطابق وائرس نے ہمارے ملک کے ایک اور بچے سے ایک صحت مند مستقبل چھین لیا ہے۔ ماحولیاتی نمونوں میں پولیو وائرس کی موجودگی تشویش ناک ہے۔
ترجمان نے بتایا کہ خاص طور پر 5 سال سے کم عمر کے بچوں کو اس وائرس سے شدید خطرہ لاحق ہے۔ والدین سے اپیل ہے کہ اپنے بچوں کو پولیو کے قطرے ضرور پلائیں۔
