پاکستان مسلم لیگ ن کے سینیئر رہنما خواجہ آصف نے بیرسٹر گوہر خان کو پی ٹی آئی کا چیئرمین بنانے پر عمران خان پر طنز کیا ہے۔
سماجی رابطے کی سائٹ ’ایکس‘ پر انہوں نے بیرسٹر گوہر علی خان کا ایک پوسٹر شیئر کیا جس میں واضح درج ہے کہ وہ تیر کے انتخابی نشان پر این اے 28 بونیر سے ماضی میں الیکشن میں حصہ لے چکے ہیں۔
خواجہ آصف نے لکھا کہ بیرسٹر گوہر 2022 میں پی ٹی آئی میں آئے اور آصف زرداری کا تراشا ہوا ہیرا عمران خان کو اتنا پسند آیا کہ انہوں نے اپنے پرانے ساتھیوں پر اعتماد کرنے کے بجائے پارٹی ایک نئے شخص کے حوالے کر دی۔
انہوں نے کہاکہ جس نے ساری عمر دوسروں کو دھوکے دیے ہوں اس کے لیے دوسروں پر اعتبار کرنا مشکل ہو جاتا ہے، ’بہر حال پی ٹی آئی کارکنوں کے لیے ڈوب مرنے کا مقام ہے‘۔
خواجہ آصف نے جونہی اس تحریر کے ساتھ بیرسٹر گوہر کا پرانا پوسٹر شیئر کیا تو ’ایکس‘ پر گرما گرم بحث کا آغاز ہو گیا۔
ایک ’ایکس‘ صارف خالد یوسف چوہدری نے لکھا کہ کوئی بھی سیاسی جماعت اپنے کارکنان کو آگے لاتی ہے، عمران خان کو یہ کریڈٹ جاتا ہے کہ اس نے ایک مخلص کارکن کو آگے لایا۔
جنابِ خواجہ۔
کسی بھی سیاسی جماعت کی یہ خوبی ہوتی ہے کہ وہ اپنے کارکنان کو آگے لاتی ہے اور یہ اعزاز بھی عمران خان کو جاتا ہے کہ اس نے اپنے ایک مخلص کارکن کو آگے لایا اور اس کی شاندار قانونی خدمات کے عوض اپنی جگہ سونپی۔
بیرسٹر گوہر علی خان وہ واحد شخصیت ہیں جو PTI کو بین کئے جانے…— Khalid Yousaf Chaudry (@KhalidYChaudry) December 3, 2023
آزاد رینج کے نام سے بنے ایک پیج سے نواز شریف کا پرانا پوسٹر شیئر کیا گیا جس میں وہ حلقہ 95 سے قومی اسمبلی کے امیدوار ہیں اور انتخابی نشان سائیکل ہے۔ ’صارف نے لکھا جب میاں صاحب باقاعدہ سائیکل ہوا کرتے تھے‘۔
جب میاں صاب باقاعدہ سائیکل ہوا کرتے تھے۔ pic.twitter.com/JkXSzXV4BT
— آزاد رینــچ (@NaikRooh) December 3, 2023
آسیہ فضل نے رانا ثنااللہ کا پوسٹر شیئر کر دیا جس میں وہ حلقہ پی پی 59 سے تیر کے نشان پر امیدوار ہیں۔
— Aasia Fazal (@Aasiakhan429) December 3, 2023
عمیر خان نامی صارف نے خواجہ آصف کی 2018 کی ایک فوٹو شیئر کی جب انتخابی مہم کے جلسے کے دوران ان کے چہرے پر سیاہی پھینکی گئی تھی۔
— umair khan (@ksz399) December 3, 2023
عمیر گوندل نے خواجہ آصف کو جواب دیتے ہوئے کہا کہ بیشک گوہر خان 2023 میں بھی شامل ہوئے ہوں مگر عمران خان کا فیصلہ سر آنکھوں پر ہے۔
گوہر علی خان 2023 میں چاہے شامل ہو جائے خان کا فیصلہ سر آنکھوں پر خواجہ آصف تم تلوے ٹھیک چاٹتے ہو مریم کے چاٹو اچھی طرح جو تمہارہ کام ہے
— Umair Gondal 💕 (@Idrees7899) December 3, 2023
صارفین کی جانب سے خواجہ آصف کے بیان پر تبصروں کا سلسلہ جاری ہے، کوئی ان کی حمایت کر رہا ہے تو کسی کی جانب سے عمران خان کے فیصلے کا دفاع کیا جا رہا ہے۔
