امریکا میں ایک ایسا باکسنگ روبوٹ ایجاد کرلیا جو باکسنگ کے علاوہ دیگر فائٹنگ گیمز میں بھی حیرت انگیز صلاحیتوں کا حامل ہے تاہم اس ایجاد نے یہ خدشہ پیدا کردیا ہے کہ ایسے روبوٹ عام انسانوں کو تشدد کا نشانہ بنانے والے حملوں میں بھی استعمال ہو سکتے ہیں۔
غیر ملکی میڈیا نے ایک ویڈیو کلپ جاری کیا جس میں باکسنگ روبوٹ کو دکھایا گیا ہے جو ایک انسان کے ساتھ باکسنگ کا مقابلہ کر رہا ہے اور اسے کچھ متاثر کن مکے مار رہا ہے۔
برطانوی اخبار ڈیلی میل نے اس روبوٹ کو مشہور ترین بین الاقوامی باکسر محمد علی کلے مرحوم سے تشبیہ دیتے ہوئے کہا کہ یہ ان کا ’کلون‘ ہے۔
اخبار نے مزید لکھا کہ 4 ٹانگوں والے روبوٹک گول کیپر اور مصنوعی ذہانت کی مدد سے ٹیبل ٹینس کے چیمپئن روبوٹس نے پہلے ہی متعارف ہوچکے ہیں لیکن اب ایسا لگتا ہے کہ روبوٹ باکسنگ کی دنیا میں بھی پیشہ ور افراد کا مقابلہ کرنے کی تیاری کر رہے ہیں۔
Nadia Humanoid Robot Practicing Punching Under VR Control https://t.co/xQNk3Jf9MU pic.twitter.com/biPP3NxeEO
— panah (@panah) November 22, 2023
ڈویلپرز نے روبوٹ کا نام ’نادیہ‘ رکھا ہے اور یہ امریکی کمپنیوں آئی ایچ ایم سی روبوٹکس اور بورڈ واک ربوٹکس کی مشترکہ پروڈکٹ ہے۔ ڈیلی میل کے مطابق ایک ناظر نے تبصرہ کیا کہ اس وقت تک انتظار کریں جب تک کہ مسٹر روبوٹ اپنا دماغ حاصل نہ کر لے اور آپ کو حقیقی طور پر مار ڈالے۔
آئی ایچ ایم سی نے اپنی ویب سائٹ پر کہا کہ روبوٹ کا نام مشہور جمناسٹ نادیہ کومانیکی سے لیا گیا ہے۔ روبوٹ کو لچکدار بنانے کے لیے ڈیزائن کیا گیا ہے اور اس کے 29 جوڑ اسے کسی بھی انسان کی حرکت کی بلند ترین رینج فراہم کرتے ہیں۔
مزید پڑھیں
روبوٹ کو ایک محقق ورچوئل رئیلٹی ہیڈ سیٹ اور کنٹرولرز پہنے ہوئے دور سے کنٹرول کرتا ہے جبکہ ڈویلپرز کا کہنا ہے کہ یہ مستقبل میں مکمل طور پر خود مختار ہوسکتا ہے۔
اسے تیار کرنے والی تحقیقاتی ٹیم کے مطابق روبوٹ کو کئی شعبوں میں استعمال کیا جا سکتا ہے جن میں فائر فائٹنگ، ڈیزاسٹر رسپانس اور بم ڈسپوزل شامل ہیں۔
محققین نے مزید کہا ہے کہ کسی کو کوئی نقصان پہنچائے بغیر نادیہ ایک انسانی ساتھی کے طور پر کام کرنے کے قابل ہو جائے گی۔
