صدر مملکت ڈاکٹر عارف علوی سے چیئرمین پاکستان تحریکِ انصاف (پی ٹی آئی) بیرسٹر گوہر خان نے منگل کو اسلام آباد میں ملاقات کی۔
اس موقعے پر صدر مملکت اور چیئرمین پی ٹی آئی نے ملک کی موجودہ سیاسی صورتحال پر تبادلہ خیال کیا۔
یاد رہے کہ خیبر پختونخوا کے ضلع بونیر سے تعلق رکھنے والے قانون دان گوہر خان 2 دسمبر کو پاکستان تحریک انصاف کے بلا مقابلہ چیئرمین منتخب ہو گئے تھے۔
عمرایوب مرکزی جنرل سیکریٹری جبکہ یاسمین راشد صوبائی صدر پنجاب، منیر احمد بلوچ بلوچستان، علی امین گنڈا پور خیبرپختونخوا اور حلیم عادل شیخ سندھ کے صوبائی صدر منتخب ہوئے۔
پی ٹی آئی کے انٹرا پارٹی انتخابات الیکشن کمیشن کی ہدایت پر کیے گئے تھے۔ اس مقصد کے لیے پولنگ اسٹیشن پشاور میں موٹر وے ٹول پلازہ کے قریب قائم کیا گیا تھا۔
