دور جدید میں ہر کوئی شہرت کا بھوکا ہے اور اس کے لیے مختلف طریقے اپنائے جاتے ہیں، کوئی اپنے ہنر کی بنیاد پر مشہور ہونے کی کوشش کرتا ہے تو کوئی اپنے فن کو آزماتا ہے۔
ایسے ہی ایران سے تعلق رکھنے والے ایک شخص نے 88 چمچ (کھانا کھانے والے) اپنے جسم کے ساتھ چپکا کر اپنا ہی گنیز ورلڈ ریکارڈ توڑ دیا ہے۔
51 سالہ ابوالفضل صابر مختاری نے 85 چمچوں کا اپنا ہی ریکارڈ توڑا، جو انہوں نے 2021 میں قائم کیا تھا۔
ابوالفضل صابر مختاری نے گنیز ورلڈ ریکارڈ کو بتایا کہ اس نے اپنی جلد پر اشیا چپکنے کے بعد اس ریکارڈ کو آگے بڑھانے کا فیصلہ کیا۔
انہوں نے کہاکہ مجھ میں بچپن میں ہی یہ ٹیلنٹ تھا لیکن کئی سالوں کی مشق اور کوشش کے بعد اپنی صلاحیتوں کو نکھارنے میں کامیاب رہا۔
انہوں نے کہاکہ میرا ہنر چمچوں تک ہی محدود نہیں ہے۔ کوئی بھی چیز جس کی سطح ہو میں اسے جسم سے چپکا سکتا ہوں۔
