اسلام آباد کی احتساب عدالت نے بانی پی ٹی آئی عمران خان کی توشہ کیس میں عبوری ضمانت خارج کر دی جس کے بعد نیب نے ان کو جیل میں ہی گرفتار کر لیا۔
احتساب عدالت کے جج محمد بشیر کی جانب سے اڈیالہ جیل میں کیس کی سماعت کے دوران محفوظ کیا گیا فیصلہ سنا دیا گیا ہے۔
مزید پڑھیں
فیصلے کے مطابق عمران خان کی عبوری ضمانت خارج کر دی گئی ہے۔ جس کے بعد نیب نے ان کو گرفتار کر لیا۔
نیب کے ڈپٹی پراسیکیوٹر جنرل سردار مظفر عباسی نے بعد ازاں میڈیا سے گفتگو کرتے ہوئے کہاکہ عمران خان کے جسمانی ریمانڈ کے لیے کل عدالت سے استدعا کی جائے گی۔
واضح رہے کہ عمران خان توشہ خان کیس میں عبوری ضمانت پر تھے۔
یہ بھی یاد رہے کہ اس سے قبل توشہ خانہ کیس میں عمران خان کو اسلام آباد کی ایڈیشنل سیشن عدالت نے 5 سال قید کی سزا سنائی تھی۔
بعد ازاں اسلام آباد ہائیکورٹ نے توشہ خانہ کیس میں عمران خان کی سزا معطل کرتے ہوئے ان کی رہائی کا حکم دیا تھا۔ تاہم سائفر کیس میں گرفتار ہونے کی وجہ سے ان کی رہائی عمل میں نہیں آ سکی تھی۔
