جسٹس سردار طارق مسعود نے قائم مقام چیف جسٹس کا حلف اٹھا لیا ہے۔ سینئر جج، جسٹس اعجاز الاحسن نے قائم مقام چیف جسٹس سے حلف لیا۔
حلف برداری تقریب میں سپریم کورٹ اور لاہور ہائیکورٹ کے ججز نے شرکت کی۔ اٹارنی جنرل، ریٹائرڈ ججز اور سینئر وکلاء سمیت ججز کے اہلخانہ بھی حلف برداری کی تقریب میں شریک ہوئے۔
واضح رہے کہ گزشتہ روز صدر مملکت ڈاکٹر عارف علوی نے جسٹس سردار طارق مسعود کی قائم مقام چیف جسٹس تعیناتی کا نوٹی فیکیشن جاری کیا تھا۔
چیف جسٹس آف پاکستان قاضی فائز عیسیٰ موسم سرما کی تعطیلات کے دوران 14 روز کے لیے بیرون ملک روانہ ہو گئے ہیں۔ ان کی جگہ جسٹس سردار طارق مسعود ذمہ داریاں نبھائیں گے۔
