انٹرنیٹ کے دور میں جب کتاب سے رشتہ کمزور ہوتا جا رہا ہے وہیں پر یورپ اور امریکا میں کتاب سے محبت اپنی مثال آپ ہے۔
ایسا ہی کچھ امریکی ریاست پنسلوانیا میں ہوا جہاں لائبریری سے لی گئی ایک کتاب 54 سال بعد واپس کی گئی ہے۔
سیوکلی پبلک لائبریری انتظامیہ نے بتایا ہے کہ کتاب جنوری 1969 میں لائبریری سے حاصل کی گئی تھی جو اب واپس کی گئی ہے۔
واضح رہے کہ امریکا میں کتاب سے محبت کا عالم یہ ہے کہ وہاں لائبریریوں میں ایک ایک کروڑ تک بھی کتابیں موجود ہیں۔
ایسا ہی ایک واقعہ رواں برس اور بھی رپورٹ ہوا تھا جب کچھ ماہ قبل امریکی شہر نیویارک میں 90 سال بعد لائبریری کو کتاب واپس کی گئی۔
میڈیا رپورٹس میں بتایا گیا کہ برطانوی ناول نگار جوزف کونراڈ کی 1925 میں چھپنے والی کتاب ‘یوتھ اینڈ ٹو ادرز اسٹوری’ 1933 میں ایک فرد نے لائبریری سے حاصل کی تھی اور پھر واپس نہ کی۔
جب لائبریری انتظامیہ کو یہ کتاب واپس کی گئی تو جرمانے کی مد میں 5 ڈالر وصول کیے گئے۔
یاد رہے کہ امریکا میں لائبریری سے حاصل کی گئی کتاب اگر 30 روز میں واپس نہ کی جائے تو اسے گمشدہ تصور کیا جاتا ہے اور لینے والے پر اتنا جرمانہ عائد کیا جاتا ہے جتنی اس کتاب کی قیمت ہو۔
