ن لیگ اتنی بری لگتی ہے تو مفتاح اسماعیل پارٹی چھوڑدیں، لیگی سینیٹر افنان اللہ

ایک طرف جہاں لیگی رہنما مفتاح اسماعیل کی اپنی حکومت کی معاشی پالیسیوں سمیت وزیر خزانہ اسحاق ڈار پر تنقید کا سلسلہ جاری ہے وہیں دیگر لیگی رہنما بھی اب انہیں پبلک پلیٹ فارم پر آڑے ہاتھوں لینے لگے ہیں۔

لیگی سینیٹر افنان اللہ خان نے ایک تند و تیز ٹوئیٹ میں مفتاح اسماعیل کو پارٹی چھوڑنے کا مشورہ دیتے ہوئے کہا ہے کہ اگر انہیں ن لیگ اتنی بری لگتی ہے تو انہیں پارٹی کو چھورڈینا چاہیئے۔

مفتاح اسماعیل کو اگر ن لیگ اتنی بری لگتی ہےتو اس کو پارٹی چھوڑ دینی چاہیے۔سندھ کا جنرل سیکٹری کا عہدہ بھی رکھنا ہےاور پارٹی کا پلیٹ فارم بھی استعمال کرنا ہےذاتی تشہیرکےلیے،یہ کیسی منافقت ہے۔سندھ میں کبھی اتنا برا رزلٹ نہیں آیا جتناان کی لیڈر شپ میں آیا ہےاور بھاشن سن لیں۔

— Senator Dr. Afnan Ullah Khan (@afnanullahkh) March 3, 2023

مخلوط حکومت کی جانب سے پہلا بجٹ پیش کرنے والے مفتاح اسماعیل وزارت سے استعفٰی دینے کے بعد حکومت کی معاشی پالیسیوں کے ناقد رہے ہیں۔ اپنے ایک حالیہ ٹی وی انٹرویو میں مفتاح اسماعیل نے کہا تھا کہ اسحاق ڈار کی غلط پالیسیوں سے پاکستان کو تو نقصان پہنچ رہا ہے لیکن ن لیگ بھی متاثر ہو رہی ہے۔

اپنی ٹوئیٹ میں مفتاح اسماعیل کو مخاطب کرتے ہوئے ڈاکٹر افنان اللہ مزید لکھتے ہیں کہ سندھ کا جنرل سیکٹری کا عہدہ بھی رکھنا ہےاور پارٹی کا پلیٹ فارم بھی استعمال کرنا ہے ذاتی تشہیرکےلیے۔ ’یہ کیسی منافقت ہے۔‘

سینیٹر افنان اللہ نے مفتاح اسماعیل کی ن لیگ سے وابستگی کو ان کی صوبہ سندھ میں کارکردگی کے حوالہ سے بھی تنقید کا نشانہ بناتے ہوئے کہا ہے کہ سندھ میں کبھی اتنا برا رزلٹ نہیں آیا جتناان کی لیڈر شپ میں آیا ہےاور بھاشن سن لیں۔

غیر جمہوری رویہ
آپ دونوں کا.
مفتاح کو پارٹی کی اندر کی بات اندر ہی رکھنا چاہیئے.
اور اگر کر ہی دی ہے بات تو
آپ کو جمہوری سوچ کے تحت برداشت کرنا چاہیئے.

— adeel ahsan (@adeelah01641712) March 3, 2023

ٹوئٹر پر افنان اللہ کی اس تنقید پر ایک صارف عدیل احسن نے لکھا ہے کہ آپ دونوں نے غیر جمہوری رویہ اختیار کر رکھا ہے۔’ مفتاح کو پارٹی کی اندر کی بات اندر ہی رکھنا چاہیئے اور اگر کر ہی دی ہے بات تو آپ کو جمہوری سوچ کے تحت برداشت کرنا چاہیئے۔‘