مصنوعی بارش کے نتیجے میں لاہور کا ایئر کوالٹی انڈیکس 280 سے کم ہو کر 189 تک پہنچ گیا تھا تاہم اس کے بعد آلودگی ایک بار پھر بڑھنے لگی، اب 2دن بعد ہی لاہور کا ایئر کوالٹی انڈیکس بڑھ کر 199 ہوگیا ہے۔
ہفتے کے روز لاہور میں مصنوعی بارش برسائی گئی تھی جس سے لاہور کے ایئرکوالٹی انڈیکس میں بہتری آئی تھی، 16 دسمبر کو لاہور کا ایئرکوالٹی انڈیکس 280 تھا، مصنوعی بارش کے بعد شہر کا ایئرکوالٹی انڈیکس 189 تک نیچے آگیا تھا، نگراں وزیر اعلی پنجاب محسن نقوی نے بھی اس پر اطمینان کا اظہار کیا تھا۔
نگراں وزیر اعلی پنجاب محسن نقوی نے اپنے ایکس اکاؤنٹ پر دنیا کے مختلف شہروں کے ایئرکوالٹی انڈیکس کے اعداد و شمار شیئر کرتے ہوئے لکھا تھا کہ ’آخرکار 200 سے نیچے آگیا ہے الحمداللہ۔‘
Finally Below 200 AlHamdullila pic.twitter.com/NPMaXHmXQb
— Mohsin Naqvi (@MohsinnaqviC42) December 16, 2023
یہاں یہ بات بھی قابل ذکر ہے کہ رواں سال نومبر میں لاہور دنیا بھر کے شہروں کے ایئرکوالٹی انڈیکس میں سرفہرست تھا، نومبر میں لاہور کا ایئرکوالٹی انڈیکس 455 تک پہنچ گیا تھا۔
