پاکستان پیپلزپارٹی (پی پی پی) کے چیئرمین بلاول بھٹو کی زیر صدارت پی پی پی پنجاب کے پارلیمانی بورڈ کا ہائبرڈ اجلاس ہوا۔
پیپلزپارٹی کے میڈیا سیل کے مطابق بلاول بھٹو زرداری کی منظوری کے لیے پیپلزپارٹی پنجاب پارلیمانی بورڈ نے صوبے بھر سے موزوں امیدواروں کے نام پیش کیے۔
پارلیمانی بورڈ کے اجلاس میں تیر کے نشان پر الیکشن لڑنے کے خواہش مند امیدواروں کے ناموں پر غور کیا گیا۔
لاہور: پاکستان پیپلزپارٹی کے چیئرمین بلاول بھٹو زرداری کی سربراہی میں پی پی پی پنجاب پارلیمانی بورڈ کا ہائبرڈ اجلاس
لاہور: چیئرمین بلاول بھٹو زرداری کی منظوری کے لئے پاکستان پیپلزپارٹی پنجاب پارلیمانی بورڈ نے پنجاب بھر سے موزوں امیدواروں کے نام پیش کئے
لاہور: پاکستان پیپلزپارٹی… pic.twitter.com/Q1JuiHZbiz
— PPP (@MediaCellPPP) December 18, 2023
اجلاس میں امیدواروں کے کوائف، عوامی رابطوں کی مضبوطی اور ماضی کی کارکردگی کا تفصیلی جائزہ لیا گیا۔
اس کے علاوہ امیدواروں کی ترقی پسند جمہوری سیاست سے نظریاتی وابستگی سمیت ان کی اہلیت اور استعداد کے مختلف پہلوؤں پر بھی بات چیت کی گئی۔
اجلاس میں نیئر بخاری، رانا فاروق سعید، ثمینہ خالد گھرکی، حسن مرتضیٰ، شہزاد سعید چیمہ، اسلم گل اور سردار سلیم حیدر موجود تھے۔
مزید پڑھیں
اس کے علاوہ قمر زمان کائرہ، آصف بشیر بھاگٹ، تسنیم قریشی، سید عنایت علی شاہ، رائے شاہجہاں بھٹی اور مہر غلام فرید کاٹھیا نے بھی اجلاس میں شرکت کی۔
اجلاس میں چوہدری منظور، ندیم افضل چن، اورنگزیب برکی، عامر پراچہ اور ذوالفقار علی بدر بھی موجود تھے۔
اس سے قبل بلاول بھٹو زرداری سے پیپلزپارٹی کے رہنما سیف اللہ مگسی نے ملاقات کی۔
لاہور: پاکستان پیپلزپارٹی کے چیئرمین بلاول بھٹو زرداری سے بلاول ہاؤس میں پی پی پی رہنما سیف اللہ مگسی کی ملاقات ہوئی جس میں بلوچستان کی سیاسی صورت حال پر بات چیت کی گئی@BBhuttoZardari pic.twitter.com/vZkrkPRZdw
— PPP (@MediaCellPPP) December 18, 2023
بلاول ہاؤس لاہور میں ہونے والی ملاقات میں بلوچستان کی سیاسی صورت حال پر بات چیت کی گئی۔
اس موقع پر بلاول بھٹو نے کہاکہ پیپلز پارٹی کو بلوچستان کے عوام کے حقوق کا احساس ہے، بلوچستان کو صرف پیپلز پارٹی حقوق دے سکتی ہے۔
