پولیس نے پاکستان تحریک انصاف کے سابق چیئرمین عمران خان کے خلاف 6 مقدمات کا ریکارڈ ڈسٹرکٹ کورٹ میں جمع کروا دیا ہے۔
ایڈیشنل ڈسٹرکٹ اینڈ سیشن جج طاہر عباس سپرا نے پی ٹی آئی کے سابق چیئرمین عمران خان کی 6 مقدمات میں ضمانت کی درخواست پر سماعت کی، عمران خان کے وکیل بیرسٹر سلمان صفدر کے معاون وکیل سردار مصروف عدالت میں پیش ہوئے۔
معاون وکیل سردار مصروف نے عدالت کو آگاہ کیا کہ سلمان صفدر لاہور میں مصروف ہونے کی وجہ سے پیش نہیں ہوسکے ہیں۔
پولیس نے سابق چیئرمین پی ٹی آئی کے مقدمات کا ریکارڈ عدالت میں جمع کروا دیا، عدالت نے کیس کی سماعت 2 جنوری 2024 تک ملتوی کردی۔
