جسٹس عقیل احمد عباسی نے سندھ ہائیکورٹ کے نئے چیف جسٹس کی حیثیت سےحلف اٹھا لیا، گورنرسندھ کامران ٹیسوری نے ان سے عہدے کا حلف لیا۔
تقریب حلف برداری میں وزیراعلیٰ سندھ مقبول باقر سمیت ہائیکورٹ کے ججز، آئی جی پولیس سندھ اور وکلا کی بڑی تعداد نے شرکت کی۔
واضح رہے کہ جسٹس عقیل احمد عباسی نے 3 نومبر کو قائم مقام چیف جسٹس سندھ ہائیکورٹ کا حلف اٹھایا تھا۔ جسٹس عرفان سعادت کی سپریم کورٹ میں تعیناتی کے بعد جسٹس عقیل احمد کو قائم مقام چیف نامزد کیا گیا تھا۔