تاحیات نااہلی سے متعلق سپریم کورٹ کے فیصلے اور الیکشن ایکٹ میں تضاد کے معاملے پر عدالتی حکم پر اخبارات میں اشتہار جاری کردیا گیا۔
اشتہار کے متن میں کہا گیا ہے کہ آرٹیکل 62 ون ایف اور الیکشن ایکٹ کے سیکشن 232 کے تحت نااہلی کی مدت کا سوال اٹھا ہے، عدالتی فیصلے کا اثر آئندہ عام انتخابات میں امیدواروں پر بھی ہو سکتا ہے۔
جاری کردہ اشتہار میں یہ بھی لکھا گیا کہ تمام امیدواروں کو اطلاع دی جاتی ہے کہ وہ جامع جواب جمع کراسکتے ہیں، جس میں انفرادی مقدمات کے حقائق پر بحث نہ ہو۔
متن میں مزید کہا گیا ہے کہ امیدوار چاہیں تو سپریم کورٹ میں اپنا جامع تحریری جواب جمع کرا سکتے ہیں، اپیلوں اور دیگر مقدمات کی سماعت 2جنوری کو 7رکنی بینچ کرے گا۔