یونان نے بحیرہ روم میں بین الاقوامی پانیوں سے 81 افراد کو بچا لیاہے۔چینی خبررساں ادارے نے یونانی قومی نشریاتی ادارے کے حوالے سے بتایا ہے کہ فرانسیسی پرچم والے ایک مال بردار جہاز کو یونان کے ساحلوں سے تقریباً 120 میل دور پھنس گیا تھا جس میں موجود 81افراد کو بچا کر جنوبی یونان میں جزیرہ نما پیلوپونیس کے کالاماتا بندرگاہی شہر منتقل کر دیا گیا ہے۔
مزید پڑھیں
واضح رہے کہ یورپی یونین کی کونسل اور یورپی پارلیمنٹ نے بدھ کو ایک عارضی معاہدہ طے کیا ہے جس سے توقع ہے کہ بلاک کی سیاسی پناہ اور ہجرت کی پالیسی میں مکمل اصلاحات کی جائیں گی، جس سے اس مسئلے پر برسوں کے تعطل کو توڑ دیا جائے گا۔
رواں برس جون میں یونان کے ساحل پر تارکین وطن کی کشتی کو حادثہ پیش آیا تھا جس میں 298 پاکستانی بھی جان سے ہاتھ دھو بیٹھے تھے۔
اس حادثے کے بعد پاکستان کے قانون نافذ کرنے والے اداروں نے کریک ڈاؤن کرتے ہوئے ملک کے مختلف علاقوں سے انسانی اسمگلرز کو گرفتار کیا تھا۔
