پرسنل کمپیوٹر کی فروخت میں مندی اگلے سال ختم ہونے کا امکان ہے کیونکہ صارفین نئے پی سی خریدنے کے لیے تیار دکھائی دے رہے ہیں کیوں کہ مصنوعی ذہانت کی خصوصیات سے لیس آلات کی مانگ کے ساتھ مارکیٹ کو مزید فروغ ملنے کا امکان ہے۔
غیر ملکی میڈیا کے مطابق تجزیہ کاروں کا کہنا ہے کہ پی سی مارکیٹ کے لیے ایک مشکل سال ختم ہونے کو ہے تاہم توقع ہے کہ پی سی مارکیٹ 2024 میں 8 فیصد کی نمو کی طرف واپس آئے گی کیونکہ صارفین وبائی دور کے پی سی کو ریفریش کرنے کی کوشش کر رہے ہیں اور مصنوعی ذہانت کے قابل آلات سامنے آرہے ہیں۔
تجزیہ کار بین کیڈی اور کیرن جیسپ نے کہا کہ مائیکروسافٹ نے 14 اکتوبر 2025 کو اپنے ونڈوز 10 آپریٹنگ سسٹم کے لیے سپورٹ کو ختم کر دیا اور اس کے عام 10 سالہ سپورٹ لائف سائیکل کے مطابق سیکڑوں ملین ڈیوائسز کو دوسری زندگی نہیں مل سکے گی اور نئے پی سیز کی فروخت میں مزید اضافہ ہو گا۔
مارکیٹ انٹیلی جنس فرم IDC کے مطابق سنہ 2024 تک 4 سال کے نشان کو عبور کرنے والے کمرشل پی سیز کے وسیع اور پرانے انسٹال بیس کو ایک تازہ کاری کی ضرورت ہوگی جو ونڈوز 11 کی طرف منتقلی کے دباؤ کے مطالبے کے مطابق ہو لہٰذا توقع ہے کہ پی سی مارکیٹ اگلے رواں برس کے مقابلے میں سنہ 2024 میں 3.4 فیصد بڑھ سکتی ہے۔
مزید پڑھیں
سنہ 2022 کے آغاز سے ترسیلات میں مسلسل سہ ماہی کمی دیکھی گئی ہے جو کہ میکرو اکنامک ہیڈ وِنڈز، کمزور خوردہ اور تجارتی مانگ اور آئی ٹی بجٹ میں ڈیوائس کی خریداری سے دوری کی وجہ سے سامنے آئی ہے۔
