لاہور ہائیکورٹ نے توشہ خانہ کے تحائف ظاہر نہ کرنے والے اراکین اسمبلی کے خلاف کارروائی کی استدعا مسترد کر دی ہے۔
لاہور ہائیکورٹ کے جسٹس راحیل کامران نے لاہور کے مقامی وکیل کی جانب سے توشہ خانہ کے تحائف ظاہر نہ کرنے والے اراکین اسمبلی کے خلاف کارروائی کے لیے دائر درخواست پر سماعت کی۔
درخواست گزار نے درخواست میں مؤقف اپنایا تھا کہ توشہ خانہ سے تحائف لیکر ظاہر نہ کرنے والے اراکین اسمبلی کے خلاف کارروائی ہونی چاہیے۔
وکیل نے عدالت سے استدعا کی تھی کہ توشہ خانہ تحائف ظاہر نہ کرنے والے اراکین اسمبلی کے خلاف فوجداری کارروائی کی جائے۔
جسٹس راحیل کامران شیخ نے مقامی وکیل کی درخواست پر فیصلہ سناتے ہوئے درخواست خارج کر دی، درخواست پر تفصیلی فیصلہ بعد میں ویب سائٹ پر جاری کیا جائے گا۔
