‘لذیذ کھانوں سے لطف اندوز ہونا ہے تو پاکستان جاؤ’، ایم ایس دھونی کا مداح کو مشورہ، ویڈیو وائرل

سوشل میڈیا پر بھارت کے سابق کپتان ایم ایس دھونی کی ایک ویڈیو وائرل ہو رہی ہے جس میں وہ پاکستانی کھانوں کی تعریف کرتے ہوئے ایک مداح کو مشورہ دے رہے ہیں کہ اگر وہ لذیذ پکوان کے شوقین ہیں تو پاکستان جائیں۔

وائرل ویڈیو میں ایم ایس دھونی کو پاکستانی کھانوں کے گُن گاتے ہوئے دیکھا جا سکتا ہے۔

انہوں نے بتایا کہ پاکستان میں جب بھی گیا، وہاں کا کھانا ہمیشہ سب سے اچھا پایا اور میں پاکستانی کھانوں کا مداح بن گیا ہوں۔

دھونی نے اپنے مداح سے کہا کہ آپ کو لذیذ کھانوں سے لطف اندوز ہونے کے لیے ایک بار پاکستان ضرور جانا چاہیے۔

https://Twitter.com/taimoorze/status/1740665504610812382?s=20

یاد رہے کہ یہ پہلی بار نہیں جب دھونی نے پاکستانی کھانوں کی کھل کر تعریف کی ہو بلکہ اس سے قبل بھی کئی بار وہ اس کا برملا اعتراف کر چکے ہیں جس پر انھیں بھارت میں شدت پسندوں نے تنقید کا نشانہ بھی بنایا لیکن دھونی نے اپنی رائے تبدیل نہیں کی۔

دھونی کی یہ ویڈیو سوشل میڈیا پر کافی وائرل ہو رہی ہے اور صارفین نے دھونی کی حمایت کرتے ہوئے کہا کہ پاکستانی پکوان اپنی لذت اور ذائقے کے باعث دنیا کے کسی بھی کھانے سے کم نہیں۔