پاکستان ویمنز لیگ کے نمائشی میچز کے لیے تمام مقامی کھلاڑیوں نے اسلام آباد میں ہوٹل میں رپورٹ کر دی۔
نمائشی میچز میں شامل تمام غیر ملکی کھلاڑی پیر کی شام تک ٹیم ہوٹل میں رپورٹ کر دیں گی تاہم بنگلا دیش کی جہاں آراء عالم اور سری لنکا کی چمیاری اتاپتو اتوار کو ہی پہنچ چکی ہیں۔
پاکستان ویمنز لیگ کے نمائشی میچز 8، 10 اور 11 مارچ کو راولپنڈی کرکٹ اسٹیڈیم میں کھیلے جائیں گے۔
ٹیم ایمازونز کی قیادت بسمہ معروف کریں گی جبکہ سپر ویمنز ٹیم کی کپتانی ندا ڈار کریں گی اورتمام میچز دوپہر 2 بجے کھیلے جائیں گے۔ دونوں ٹیمیں پیر کی صبح اسلام آباد کرکٹ کلب میں ٹریننگ سیشن میں حصہ لیں گی۔
دونوں ٹیموں کی کپتان راولپنڈی کرکٹ اسٹیڈیم کے پریس کانفرنس روم میں پیر کو شام 5 بجکر 15 منٹ پر میڈیا سے گفتگو کریں گی۔
