نیپال کی میڈیا رپورٹس کے مطابق نیپالی کرکٹر سندیپ لامیچانے پر لڑکی سے زیادتی کا جرم ثابت ہوگیا۔ کھٹمنڈو ڈسٹرکٹ کورٹ کے سنگل بینچ پر مشتمل جج ششر راج نے 29 دسمبر کو محفوظ فیصلہ سنایا۔
عدالتی فیصلے کے مطابق نیپالی کرکٹ ٹیم کے سابق کپتان سندیپ لامیچانے کو لڑکی سے زیادتی کا مجرم قرار دے دیا گیا، فیصلے میں لکھا گیا ہے کہ زیادتی کے وقت لڑکی نابالغ تھی۔ سندیپ لامیچانے کو سزا آئندہ سماعت پر سنائی جائے گی۔
Nepal's Sandeep Lamichhane convicted of rape
"His sentence will be decided in the next hearing," said his lawyer. #CricketTwitterhttps://t.co/VM9guHRMu1
— Cricket.com (@weRcricket) December 30, 2023
یاد رہے کہ گزشتہ سال ستمبر میں 17 سالہ لڑکی نے سندیپ کے خلاف شکایت درج کروائی تھی، جس میں الزام لگایا گیا تھا کہ کرکٹر نے کھٹمنڈو کے ایک ہوٹل کے کمرے میں اس کے ساتھ زیادتی کی۔ لڑکی سے مبینہ زیادتی کے الزام میں سندیپ لامیچانے کے وارنٹ گرفتاری جاری کیے گئے اور بعد ازاں انہیں ملک واپسی پر ایئرپورٹ سے گرفتار کیا گیا تھا۔
رواں سال 12 جنوری کو لامیچانے کی طرف سے دائر نظرثانی کی درخواست پر ہائیکورٹ نے کرکٹر کو 20 لاکھ روپے کے ضمانتی مچلکے پر رہا کرنے کا حکم دیا تھاجس کے بعد سے وہ فی الحال ضمانت پر رہا ہیں۔ سندیپ لامیچانے پی ایس ایل، بی بی ایل اور آئی پی ایل بھی کھیل چکے ہیں۔ انہوں نے پی ایس ایل میں لاہور قلندرز کی نمائندگی کی تھی۔
