سیکیورٹی فورسز نے شمالی وزیرستان میں دہشتگردی کی بڑی منصوبہ بندی ناکام بناتے ہوئے دہشتگردوں کے خلاف آپریشن کرتے ہوئے ایک خود کش بمبار سمیت 4 عسکریت پسندوں کو ہلاک کر دیا ہے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاعات کی بنیاد پر آپریشن کیا اور اس دوران فائرنگ کا تبادلہ ہو گیا۔
مزید پڑھیں
آئی ایس پی آر کے مطابق مارے گئے دہشت گرد سیکیورٹی فورسز کے خلاف متعدد دہشت گردانہ کارروائیوں میں سرگرم رہے اور ایک بڑی کارروائی کی منصوبہ بندی کر رہے تھے۔
ترجمان کے مطابق ہلاک دہشتگردوں کے قبضے سے اسلحہ، گولہ بارود اور دھماکا خیز مواد بھی برآمد ہوا ہے۔
آئی ایس پی آر نے بتایا کہ علاقے میں سرچ آپریشن جاری ہے، سیکیورٹی فورسز ملک سے دہشتگردی کی لعنت کو ختم کرنے کے لیے پرعزم ہیں۔
