یمنیٰ زیدی نے بالآخر بتادیا کہ وہ کیسا جیون ساتھی چاہتی ہیں

یمنیٰ زیدی اس وقت پاکستان کی ٹاپ اداکاراؤں میں سے ایک ہیں۔ وہ بیک گو بیک ہٹ فلمیں دے رہی ہے اور ان کے تمام اسکرپٹ کے انتخاب بہت اچھے ثابت ہوئے ہیں۔

وہ کئی ایوارڈز جیت چکی ہیں اور اور دلوں کو جیتنے کا سلسلہ جاری ہے۔ تیرے بن میں میرب کے کردار نے انہیں بڑی کامیابی دی ہے اور اب وہ اپنی پہلی فلم نیاب کے لیے تیاری کر رہی ہیں جو 26 جنوری 2024 کو ریلیز ہوگی۔

یمنیٰ زیدی اب تک سنگل ہیں اور ان کے تمام پرستار شادی کے حوالے سے ان کا پلان جاننے کے لیے بیتاب ہیں۔

یمنیٰ معروف اینکر ندا یاسر کے شو میں مہمان تھیں۔ ان سے پوچھا گیا کہ کیا انہیں شادی کی بہت زیادہ پیشکشیں آتی ہیں کیونکہ وہ ایک ایسی لڑکی ہیں جنہیں ہر خاتون اپنی بہو بنانا چاہے گی۔

اداکارہ نے اس سوال پر تھوڑا شرماتے ہوئے کہا کہ انہیں براہ راست پرپوزل نہیں ملے لیکن ان کی ماں کو سے لوگوں نے ان کا رشتہ مانگا ہوگا۔

انہوں نے مزید کہا کہ وہ جانتی ہیں کہ ان کی ایسی شخصیت ہے جس کے باعث لوگ ان کی طرف راغب ہوتے ہیں۔

یمنیٰ نے اس پر بھی بات کی کہ ان کا جیون ساتھی کیسا ہونا چاہیے۔ انہوں نے کہا کہ وہ صرف ایک ایسا شخص چاہتی ہیں جو ان کی زندگی کو اتنی ہی اچھی طرح سے گزارنے میں ان کی مدد کرے جیسی کہ وہ اب گزار رہی ہیں۔

انہوں نے مزید بتایا کہ ان کی خواہش ہے کہ ان کا جیون ساتھی ان کے ساتھ مل کر احسن طور پر زندگی گزارے۔