یمنیٰ زیدی اس وقت پاکستانی ڈراما انڈسٹری کی ٹاپ اداکارہ ہیں۔ انہوں نے بیک ٹو بیک ہٹ ڈرامے دیے ہیں اور اب وہ فلم ’نایاب‘ میں اپنے ڈیبیو کے لیے تیار ہیں، جس میں وہ ایک کرکٹر کا کردار ادا کر رہی ہیں۔
یمنیٰ زیدی کو ہمایوں سعید کے مرکزی کردار کے حامل ڈرامے ’جنٹلمین‘ کے لیے بھی نامزد کیا گیا ہے۔ وہ یقینی طور پر اپنے کیریئر کی بلندیوں پر ہیں۔ ایک ایسے وقت میں جب وہ بظاہر شوبز انڈسٹری میں بھرپور مصروف نظر آ رہی ہیں انہوں نے کچھ وقت کے لیے خود انڈسٹری کی چکا چوند سے دور رکھنے کے لیے اپنی والدہ کے ساتھ زیارت کے لیے نجف اشرف (عراق) کا روحانی سفر اختیار کیا ہے۔
یمنیٰ زیدی نجف میں ایک خوبصورت وقت گزار رہی ہیں کیونکہ انہوں نے اپنے سفر کے جو یادگار لمحات شیئر کیے ہیں وہ دل کو چھو لینے والے ہیں۔
نجف اشرف میں زیارات پر حاضری کے لیے یمنیٰ زیدی نے روایتی چادر اور حجاب پہن رکھا ہے جس میں وہ خاصی بھلی معلوم ہو رہی ہیں۔
