بھارت اور جنوبی افریقہ کے درمیان کیپ ٹاؤن میں ٹیسٹ ڈیڑھ دن میں ختم ہو گیا جس کے بعد اس میچ کو تاریخ کے مختصر ترین ٹیسٹ کا اعزاز حاصل ہوگیا۔
فریڈم ٹرافی کےآخری میچ کا فیصلہ مجموعی طور پر 642 گیندوں میں ہوا،جس کے بعد یہ میچ تاریخ میں گیندوں کے اعتبار سے مختصر ترین دورانیے میں ختم ہونے والا پہلا ٹیسٹ میچ بن گیا۔
We’ve witnessed history in Cape Town ✍️#SAvIND pic.twitter.com/p9xlAquWTa
— ESPNcricinfo (@ESPNcricinfo) January 4, 2024
پہلی اننگز میں 55 رنز پرآؤٹ ہونے والی جنوبی افریقہ کی ٹیم دوسری اننگز میں 176رنز بنا سکی، بھارت جو پہلی اننگز میں 153 رنز پر آؤٹ ہوا اسے میچ جیت جیتنے کے لیے صرف 79 رنز کا ہدف ملا جو اس نے با آسانی 3 وکٹ پر حاصل کر لیا۔
بھارت کی جیت کے ساتھ سیریز ایک ایک سے برابر ہوگئی۔
اس سےقبل مختصر ترین ٹیسٹ 656 گیندوں میں ختم ہوگیا تھا۔
1932میں آسٹریلیا نے جنوبی افریقہ کیخلاف میچ 656 گیندوں میں جیتا تھا جبکہ 1934 میں ویسٹ انڈیز اور انگلینڈ کا ٹیسٹ 672 گیندوں میں مکمل ہوا تھا۔