ایران میں بدھ کو ہونے والے 2 بم دھماکوں کی ذمہ داری شدت پسند تنظیم ’داعش‘ نے قبول کر لی ہے۔
برطانوی خبر رساں ایجنسی کے مطاب شدت پسند گروہ نے جمعرات کی رات ایک بیان جاری کیا جس میں ایران میں ہونے والے ان 2 دھماکوں کی ذمہ داری قبول کی گئی ہے جس میں 84 افراد جاں بحق اور 284 زخمی ہو گئے تھے۔
Daesh claims responsibility for terrorist attacks that killed over 80 people & wounded scores in Iran's Kerman province pic.twitter.com/4sSPEzar3o
— TRT World Now (@TRTWorldNow) January 4, 2024
واضح رہے کہ یہ بم دھماکے اس وقت کیے گئے جب ایران کے جنوبی شہر کرمان میں ایرانی پاسداران انقلاب کے جنرل قاسم سلیمانی کی امریکا کے ہاتھوں ڈرون حملے میں شہادت کی چوتھی برسی منائی جا رہی تھی۔
مزید پڑھیں
دونوں دھماکے عین اس وقت ہوئے جب ایرانی عوام کی ایک بڑی تعداد جنرل قاسم سلیمانی کی قبر کے قریب ان کی برسی منانے کے لیے جمع ہو رہے تھے۔
جنرل سلیمانی نے عراق اور شام میں دہشت گرد گروپ داعش کو شکست دینے میں کلیدی کردار ادا کیا تھا۔
داعش نے ٹیلی گرام پر جاری اپنے بیان میں دھماکوں کی ذمہ داری قبول کرتے ہوئے تصدیق کی کہ عمر المواہد اور سیف اللہ المجاہد 2 خودکش بمبار تھے جنہوں نے دہشت گردی کی 2 کارروائیوں میں دھماکہ خیز بیلٹ استعمال کیے تھے۔
