محکمہ ایکسائز اینڈ ٹیکسیشن پنجاب نے جنوری 2024 کے لیے اپنا ای-آکشن شیڈول جاری کر دیا جس میں کاروں اور موٹر سائیکلوں کے لیے من پسند نمبروں کے لیے بولی لگانے کی اجازت ہوگی۔
شرکاء کو اپنی پسند کے یونیورسل نمبرز حاصل کرنے کا موقع ملے گا۔ پہلی سیریز کے لیے رجسٹریشن یکم جنوری سے شروع ہوئی ہے جو 11 جنوری تک جاری رہے گی۔
مزید برآں باقی 2 سیریز کے لیے رجسٹریشن بالترتیب 11 جنوری اور 21 جنوری کو شروع ہوگی۔ سیریز کے لیے بولی لگانے کا عمل بالترتیب 11 جنوری، 21 جنوری اور یکم فروری کو شروع ہونا ہے۔
دریں اثنا کمرشل گاڑیوں کی رجسٹریشن یکم جنوری سے شروع ہوئی اور 20 جنوری تک جاری رہے گی۔ ان گاڑیوں کی بولی 21 جنوری اور 22 جنوری کو ہوگی۔
مزید پڑھیں
چیئرمین پنجاب انفارمیشن ٹیکنالوجی بورڈ (پی آئی ٹی بی) فیصل یوسف کے مطابق شہری آن لائن پورٹل اور ای آکشن موبائل ایپ کے ذریعے نیلامی کے لیے اپنی رجسٹریشن کروا سکتے ہیں۔