پاکستان تحریک انصاف کے بانی چیئرمین عمران خان نے الزام عائد کیا ہے کہ 9 مئی کو پاکستان کی جمہوریت کو ختم کرنے کے لیے جعلی فلیگ آپریشن کا استعمال کیا گیا۔ تشدد کی کبھی حمایت نہیں کی بغیر تحقیقات کے مورد الزام ٹھہرایا جا رہا ہے۔
مزید پڑھیں
پاکستان تحریک انصاف ( پی ٹی آئی ) کے شریک چیئرمین عمران خان نے اڈیالہ جیل منتقلی کے بعد اپنی قید کے دوران 9 مئی کے واقعات سے متعلق پہلی مرتبہ سماجی رابطے کی ویب سائٹ ’ایکس‘ پر ویڈیو کلپس کے ساتھ ٹویٹ کیا ہے۔
اپنے ٹویٹ میں عمران خان نے دعویٰ کیا ہے کہ 9 مئی کو پاکستان کی جمہوریت کو ختم کرنے کے لیے جعلی فلیگ آپریشن کا استعمال کیا گیا۔ جس پارٹی نے اپنے 26 سالوں میں کبھی تشدد کی حمایت نہیں کی، اسے بغیر کسی آزادانہ تحقیقات کے بار بار مورد الزام ٹھہرایا جا رہا ہے۔
#May9th_FalseFlag op has been used to dismantle Pakistan's democracy. The party that has never endorsed violence in 26 years of existence is being repeatedly blamed without any independent investigation. This must stop! We urge the judiciary to conduct independent investigation… pic.twitter.com/oqpHgu7sak
— Imran Khan (@ImranKhanPTI) January 6, 2024
انہوں نے لکھا کہ یہ بند ہونا چاہیے، ہم عدلیہ پر زور دیتے ہیں کہ وہ آزادانہ تحقیقات کرے اور قانون کو اپنا راستہ اختیار کرنے دیا جائے۔
واضح رہے کہ پاکستان الیکٹرانک میڈیا ریگولیٹری اتھارٹی نے جمعرات 4 دسمبر 2024 کو لاہور ہائی کورٹ میں کہا تھا کہ اس نے پاکستان تحریک انصاف کے بانی عمران خان کی تقاریر اور میڈیا ٹاکس پر پابندی نہیں لگائی ہے۔ پیمرا کے وکیل ہارون دوگال نے یہ بیان عمران خان کی طرف سے دائر کی گئی ایک پٹیشن کی سماعت کے دوران دیا۔
عمران خان نے گزشتہ برس پیمرا کے اس فیصلے کے خلاف عدالت سے رجوع کیا تھا جس کے مطابق پیمرا نے ٹیلی ویژن چینلز کو ان کی تقاریر اور میڈیا سے بات چیت کو نشر کرنے پر پابندی لگائی تھی۔ یہ پابندی عمران خان کی اس تقریر کے بعد لگائی گئی تھی جس میں انہوں نے سابق آرمی چیف جنرل قمر باجوہ کو شدید تنقید کا نشانہ بنایا تھا۔
