پاکستان میں امریکا کے سفیر ڈونلڈ بلوم کی چیئرمین پاکستان پیپلز پارٹی بلاول بھٹو زرداری سے ملاقات کی جس کے دوران فریقین نے دونوں ممالک کے درمیان تجارتی اور سرمایہ کاری تعلقات کی اہمیت اور امریکا پاکستان گرین الائنس کے فریم ورک میں پیشرفت کے موضوعات پر بھی گفتگو کی۔
امریکی مشن کے قائم مقام ترجمان تھامس مونٹگمری کی جانب سے جاری کردہ بیان کے مطابق پاکستان کے وسیع تر سیاسی شراکت داروں کے ساتھ اپنی ملاقاتوں کے تسلسل میں ریاستہائے متحدہ امریکا کے سفیر ڈونلڈ بلَوم نے پیر کو بلاول بھٹو زرداری سے ملاقات کی جس کا مقصد آزادانہ و منصفانہ انتخابات کی اہمیت سمیت موجودہ سیاسی اُمورپر تبادلہ خیال کرنا تھا۔